in

Ndimbati, Samusure, Bamenya n’abandi bakinnyi ba filime bahuriye mu ndirimbo yo #Kwibuka27 (amashusho)

Abakinnyi ba filime bakomeye mu Rwanda bahuriye mu ndirimbo bise ‘Impore Rwanda’ bakoze mu rwego rwo kwifatanya n’Abanyarwanda n’inshuti z’u Rwanda Kwibuka ku nshuro ya 27 Jenoside yakorewe Abatutsi mu 1994.

Indirimbo ‘Impore Rwanda’ yateguwe bigizwemo uruhare n’umukinnyi wa filime uri mu bakomeye mu Rwanda mu b’igitsina gore, Kirenga Saphine uzwi muri filime ‘Seburikoko’ n’izindi nyinshi.

Iyi ndirimbo yaririmbyemo kandi igaragaramo abarimo Rugero Alan akina muri filime ‘Umuturanyi’ bamwitwa ‘Kazungu’; Dusenge Clenia akina muri filime ‘Inzozi Series’ bamwita Lana anakina muri filime ‘Papa Sava’ bamwita ‘Madedeli’;

Hari Ingabire Pascaline akina muri filime ‘Inzozi Series’ yitwa Mukaneza akaba ari na Producer w’iyi flime, umuraperi akaba n’umukinnyi wa filime Bazongere Rosine akina muri filime ‘City Maid’ yitwa Joselyne, Suallah akina muri filime ‘Indoto’ yitwa Samantha.

Mu bandi baririmbye muri iyi ndirimbo kandi harimo Kirenga Saphine ukina muri filime ‘Seburikoko’ bamwita ‘Kantengwa’ akaba ari nawe wakoze iyi ndirimbo.

Muri iyi ndirimbo ‘Impore Rwanda’ kandi haririmbyemo Uwihoreye Mustapha uzwi nka Ndimbati muri filime zirimo Papa Sava n’izindi; Ramadhan witiriwe filime ‘Bamenya’ yabiciye hanze aha, Mbarushimana Elie uzwi nka Tajino muri filime ‘Inzozi’, Rwasibo uzwi nka ‘George’ muri filime ‘Indoto’.

Hari kandi Shadia uzwi muri filime ‘Umuziranenge’ bamwita Allian, Mama Zulou akina muri filime ‘Seburikoko’ ari murumuna wa Siperansiya, Kalisa Erneste uzwi nka Rurinda muri filime ‘Seburikoko’, Kanangire Laurene ukina muri filime bamwita Mimi na Kagame Manzi ukina muri filime ‘Inzozi’ bamwita Serge.

Aba bakinnyi ba filime baririmba bavuga ko Jenoside itazongera kubaho ukundi, bagafata mu mugongo Abanyarwanda.

SRC: Inyarwanda

Report

What do you think?

164 Points
Upvote Downvote

Written by JULES

Shyiraho igitekerezo

#Kwibuka27: Miss Ingabire Grace yahaye ubutumwa bwihariye urubyiruko rwifuza ejo hazaza heza

Umusore ugiye guha ijisho Niyo Bosco yashimiwe na benshi kubera urukundo rwe yagaragaje.