Connect with us

Ndaryohewe by Empire-records

Komeza usome
Advertisement

Imyidagaduro

The Ben yasanze Miss Pamela muri Tanzaniya(AMAFOTO)

Umuhanzi Mugisha Benjamin wamenyekanye nka The Ben, yerekeje muri Tanzania mu gihe hari amakuru avuga ko yasanzeyo umukobwa bakundana, Uwicyeza Pamela, umaze iminsi muri icyo gihugu.

Abinyujije ku rukuta rwe rwa Instagram, The Ben yishimiye ukuntu abaturage bo muri Tanzania bamwakiranye urugwiro, bakamwereka urukundo.

Uyu muhanzi yerekeje muri Tanzania mu gihe Uwicyeza Pamela bivugwa ko bakundana, yari amaze iminsi muri icyo gihugu.

Yaba urugendo rwa Uwicyeza cyangwa urwa The Ben, bose babigize ibanga, icyakora hari amakuru avuga ko bagiye kurira ubuzima muri iki gihugu cyo mu burasirazuba bw’u Rwanda.

Uwicyeza ukunze kugaragaza amarangamutima ye kuri The Ben, aherutse gushyira hanze ifoto bari kumwe, arangije ayiherekesha amagambo agira ati “Mine”, bisobanuye “Uwanjye.”

Biravugwa ko The Ben yagiye kureba Pamela. 

Ku wa 9 Mutarama 2020 ku isabukuru y’amavuko ya The Ben, uyu mukobwa yashyize ifoto y’uyu muhanzi kuri Instagram, arangije agira ati “Uri umunyamutima mwiza, ugira urukundo, uri uwo kwizerwa ndetse umutima wawe ni munini kukurusha. Imana ihe umugisha undi mwaka wawe.”

 

Komeza usome

Imyidagaduro

Safi Madiba yerekanye umwana we w’umuhungu

Isabukuru Nziza, isabukuru nziza- Ni amagambo yumvikana mu ndirimbo umuhanzi Niyibikora Safi Madiba yifashishije mu kwifuriza isabukuru nziza umwana we w’umuhungu wujuje imyaka 5 y’amavuko.

Ni ku nshuro ya mbere uyu muhanzi agaragaje ko afite
umwana. Amashusho yashyize kuri konti ye ya Instagram mu gitondo cy’uyu wa Kane
tariki 26 Ugushyingo 2020, agaragaza amafoto y’uyu mwana mu bihe bitandukanye
nk’aho ari ku igare, ahagaze, atumbiriye umufotora n’ibindi.

Uyu mwana w’umuhungu ari mu kigero cy’imyaka itanu. Mu
kumwifuriza isabukuru nziza, uyu muhanzi Safi Madiba uri kubarizwa mu gihugu cya Canada, yagize ati “Ku munsi nk’uyu intare,
icyamamare gito, Madiba muto, yaravutse. Isabukuru nziza mwana mwanjye. Papa aragukunda.”

Uyu mwana w’umuhungu yitwa N. Jaden Lion ndetse afite
konti ye ya Instagram akurikirwa n’abantu 57. Ni mu gihe amaze gukora ‘post’
11, akurikira umuntu umwe gusa. Kuri iyi konti, bigaragara ko igenzurwa na nyina.
Ndetse ashishikariza abantu kubana neza.

Ntibizwi neza nyina w’uyu mwana. Kuko mu bantu bazwi
bakundanye na Safi Madiba barimo Knowless Butera, Judithe Niyonizera na Umutesi
Parfine nta n’umwe wigeze avuga ko yabyariye uyu muhanzi. InyaRwanda ntibyadukundiye kuvugana na Safi, gusa amakuru yizewe avuga ko uyu mwana we yujuje imyaka 5 y’amavuko.


Jiden Lion, umwana w’umuhanzi wa Safi Madiba

 

Umuhanzi Safi Madiba yifurije isabukuru nziza umwana w’umuhungu we uri mu kigero cy’imyaka itanu

Safi Madiba aherutse gutangaza ko ameze neza nyuma y’icyumweru cyari gishize ahanganye na Covid-19

Source: http://inyarwanda.com/inkuru/101205/safi-madiba-yerekanye-umwana-we-wumuhungu-uri-mu-kigero-cyimyaka-itanu-101205.html

Komeza usome

Amateka

Ibintu by’ingenzi wamenya ku mwambaro wa Bikini uharawe n’abatari bake

Muri iki gihe, umwambaro wa Bikini wambarwa n’abakobwa n’abagore bagiye mu bikorwa byo kwidagadura,koga, no kumurika imideri. Uri mu myenda ikunzwe cyane ndetse abantu biganjemo abaririmbyi n’abahanzi bakomeye ku isi ntibatinya kuyambara ‘n’ahatari ku mazi.

Umunyamideli Marilyn Monroe mu mwambaro wa Bikini mu 1962 yasohokeye ku mazi

Imyaka 74 irashize, umwambaro wa Bikini umenyekanye cyane ndetse ugatangira gukoreshwa n’abatari bake.Bikini yatangiye kwambarwa mu ruhame, bwa mbere ku itariki ya 5 Nyakanga 1946 ndetse yamaganirwa kure n’abatari bake bavuga ko ikurura ubusambanyi ikanatatira umuco gakondo.

Louis Reard, Umufaransa wakoze bikini bwa mbere yagowe no kubona abanyamideli bayimurika, uwabashije kumwemerera kuyambara akaba ari umunyamideli wamurikaga imideli yambaye ubusa Michelle Bernardine wafatwaga nka utiyubashye.

Reard wari warasigaranye iduka rya nyina ryacuruzaga imyenda y’imbere yahisemo gukora bikini igizwe n’ikariso n’isutiya.
Uyu mwambaro wafashije abatari bake kwiyambika mu gihe kigoranye cy’intambara, aho kubona umwenda byari bigoye.

Nubwo igihe uyu mwambaro washyirwaga hanze, umunyamideli we Michele Bernardini yabonye amabaruwa ibihumbi 500 by’abamushyigikiye, Vatican yo yahise ivuga ko kwambara bikini ari icyaha.

Ibihugu birimo u Butaliyani, u Bubiligi, Espagne, Portugal na Australia nabyo byayamaganiye kure uyu mwambaro.Uko iminsi yagiye ishira uyu mwambaro watangiye gukundwa aho wabanje gufatwa nk’ikimenyetso cyo kwibohora kw’abagore bari babangamiwe n’imyambaro bajyanaga ku mazi.

Daily Mail dukesha iyi nkuru ivuga ko mu 1951 aribwo uwitwa Eric Morley yatangije irushanwa ry’abambaye bikini (The Festival Bikini Contest) ryaje guhinduka irushanwa rya Nyampinga w’isi (Miss World).
Kubera iri rushanwa, Bikini yarushijeho gukundwa ku buryo ibyamamare byariho muri iyi myaka birimo Marilyn Monroe byatangiye kujya mu birori n’amaserukiramuco ariyo byambaye.

Bikini yahise kandi itangira gufatwa nk’umwambaro ugaragaza imiterere itandukanye y’abagore ari nako bikimeze kugeza ubu.
Nubwo Bikini yamaganwe ubwo yashyirwaga hanze mu 1946 , sibwo yari ibayeho bwa mbere kuko nk’abasuye ikirwa cya Sicily bemeza ko hari amashusho agaragaza abagore babayeho mu kinyejana cya kane bagaragaye bayambaye.

Nguku uko Bikini ya mbere yari iteye. 

Komeza usome

Featured

Lionel Messi na Cristiano batanze ubutumwa bw’akababaro batewe n’urupfu rwa Maradona.

Lionel Messi na Cristiano Ronaldo bahaye icyubahiro Diego Maradona nyuma y’uko bitangajwe ko uyu munyabigwi muri Ruhago yitabye Imana azize indwara y’umutima kuri uyu wa gatatu.

Intwari ya Arijantine mu gikombe cyisi cyo mu 1986, Maradona ari mu bantu batazibagirana bazamuye umupira w’amaguru muri iki kinyejana.

Messi akaba yarakiniye Argentina ubwo Maradona yari kapiteni w’iyi kipe ndetse bakaza gutwara igikombe cyisi cya 2010 yatangaje ko yababajwe n’urupfu rw’uyu mugabo.

Abinyujije kuri Instagram Messi yagize ati”Umunsi ubabaje cyane ku Banya Argentine bose ndetse no ku mupira w’amaguru.Aradusize ariko ntagenda, kuko Diego ahoraho.”

Yakomeje agira ati: “Ndakomeza ibihe byiza byose nabanye na we kandi nifuzaga kuboneraho umwanya wo kwihanganisha umuryango we wose n’incuti. RIP. ”

Cristiano Ronaldo, ufatanije na Messi ufatwa nk’umwe mu bakinnyi bakomeye b’imikino muri iki gihe, na we yatanze icyubahiro ku giti cye.Uyu mukinnyi wa Juventus na Porutugali yanditse ku rubuga rwa Instagram nawe yagize ati: “Uyu munsi nasezeye ku nshuti kandi isi isezera ku buhanga budashira.“Umwe mu beza kuruta abandi bose.Igenda vuba cyane ariko igasiga umurage utagira umupaka nubusa bitazigera byuzura. RIP. Ntuzigera wibagirana. ”

 

Komeza usome

Imyidagaduro

Bruce Melodie yahishuye uburyo yahemukiye Uncle Austin wamusabye gukorana indirimbo.(VIDEO)

Bruce Melodie uri mu bahanzi bagezweho muri iyi minsi binyuze mu ndirimbo ye nshya yise “Abu Dhabi” yahishuye uko yanze ko Uncle Austin ayijyamo nyamara ari mu bamufashije kuyandika.

Abu Dhabi” ni indirimbo yagiye hanze benshi batungurwa n’uburyo Icyongereza kiririmbyemo cyanditse.

Iyi ndirimbo yayanditse afatanyije na Uncle Austin, umunyamakuru ubifatanya n’ubuhanzi.

Mu kiganiro Bruce Melodie yagiranye na IGIHE yatangaje ko nyuma yo kwandika indirimbo ye afatanyije na Uncle Austin, uyu ngo yamusabye kuyijyamo ariko arwana inkundura yo kumuhakanira.

Yagize ati “Twarayikoze yumva iraryoshye ashaka kujyamo kandi mu by’ukuri yari ari kumfasha; byansabye kumwinginga ngo ntajyemo, birangira abyumvise. Si ubwa mbere amfashije.”

Tugitangira gukora indirimbo nkumva iraryoshye nahise numva ko nta wundi muntu uri bujyemo, kubyumvisha Uncle Austin icyakora byari bigoye.”

Nubwo ari indirimbo yumvikanamo inkuru y’umugabo ubwira umugore we wamutaye akanamusigana umwana, Bruce Melodie yavuze ko ari inkuru mpimbano idashingiye ku byabayeho.

Si ubwa mbere aba bahanzi bagonganye muri ubu buryo, kuko na Uncle Austin hari indirimbo yanze ko Bruce Melodie ko ajyamo nubwo yirinze kuyivuga izina.

Nubwo buri wese wagize uruhare mu ikorwa ry’iyi ndirimbo yishyuwe, Uncle Austin wafashije Bruce Melodie kuyandika we ngo aye ntarayabona.

Bruce Melodie wemera ideni avuga ko igihe azagira icyo abona azitura Uncle Austin wamufashije nubwo nta kiguzi runaka bumvikanye.

Gusa Bruce Melodie yasoje ikiganiro ashimira Austin kuko uyu mugabo ari umwe mu babashije kubona impano ye agitangira umuziki ndetse aranamufasha.

Kanda hano hasi urebe video ya Bruce Melodie “Abu Dhabi”

 

Komeza usome

Hit Music Only!

Advertisement
Advertisement
Advertisement

Trending

error: Content is protected !!
%d bloggers like this: