Connect with us

inyigisho

Mukobwa, menya ibintu 20 by’ingenzi wakorera umusore mukundana akifuza kuzakugira umugore

Published

on

Advertisements

Burya n’ubwo abasore bose badateye kimwe, hari ibintu bahuriyeho nk’imyumvire n’imitekerereze rusange, bityo ibi bikaba ari ibintu 20 byafasha umukobwa wifuza kuba uw’igikundiro ku mukunzi we, akabasha kunogera no kwishimirwa n’umusore bakundana kuburyo amwifuzaho kuba yamubera umufasha.

1. Gerageza kugaragara neza uko ushoboye kose

Abasore burya bakururwa cyane n’ibigaragara kandi aba yumva yaterwa ishema no kugira umukunzi ugaragara neza, umwe azahura nawe ari kumwe n’inshuti ze ntagire ipfunwe ryo kuziratira ko ariwe mwamikazi w’umutima we. Iyiteho kandi ugaragaze isuku nk’umwari ubikwiye koko aho unyura abone ko uhanyurana umucyo.

2. Hora iteka ufite impumuro nziza

Abasore burya n’ubwo atari ko bose bakunda kwitera imibavu ariko burya bakunda cyane umukobwa uhumura neza, umwe umusuhuza akamuhobera bamara gutandukana akumva aracyumva impumuro ye. Nk’inkumi ni byiza ko uzajya uzirikana kujya imbere ye cyangwa guhura nawe wikozeho rwose impumuro imeze neza, uzasanga iteka yifuza kuba kumwe nawe kandi nimunatandukana ntuzigera umuva mu bitekerezo.

3. Irinde kumuhoza ku nkeke no kumugaya buri gihe

Aha munyumve neza mwa nkumi mwe sinshaka kuvuga ko umukunzi wawe natakwitaho, nakora amafuti cyangwa ikindi kidahwitse utazamugaya, ahubwo icyo nshaka kuvuga hano ni uko uzabikorana ubwenge. Wowe uhera ku byiza bye ukajya umushima noneho ibyo atakoraga neza akabikora neza noneho agirango ashimwe aho kubikorera ko wamutonganyije. Urugero hano nabaha, egera umukunzi wawe niba wenda akunda inzoga cyane, umubwire uti: “Uti ariko rata uri umusore mwiza! Nkunda uburyo ugira umurava n’ubwo akenshi uteshuka kubera inzoga” Nkubwije ukuri ko natanagira icyo abivugaho azaba aritaye mu gutwi kandi azumva ko akwiye kuba yazireka kugirango umushime.

4. Mukunde kandi ubyerekane

Muri iki gihe usanga abantu benshi bavuga ngo urukundo rw’ubu nta kigenda, ngo abakobwa b’ubu baratendeka n’ibindi nk’ibyo. Wowe rero mwereke itandukaniro ryawe n’abandi, wikwitwararika ngo wumve ko yazakureka ugaseba ahubwo mukunde, umuteteshe, umwereke ko ufite ishema rye mu bandi uzaba aribwo uharaniye ko atarota akureka. Nubikora neza azumva ko ntaho yagusiga ajya kandi yumve ko ntacyo yakuburanye yaba ajya gushaka.

5. Ikunde wowe ubwawe

Ntugakunde kubwira umukunzi wawe ibibi wibonaho, ngo umubaze ngo ariko ubu kuba narabyibushye cyane ntibikubangamira?…Nsigaye nanga ukuntu ngana, nsigaye narabaye igikara… Nonese numara kumwereka ko wowe ubwawe utikunze kandi utifitiye icyizere niwe uzakikugirira? Sigaho wiba umupfapfa, wowe wabyibuha, wananuka, uruhu rwawe rwahinduka, mwekere ko ukifitiye icyizere kandi wirinde kumwereka ibyo uzi nk’inenge kuri wowe kuko ushobora gutuma ahita ashishoza akanabaza abandi bamuvugira mu matwi ugasanga urisenyeye.

6. Irinde gutuma afuha kandi umurwanire ishyaka

Kuba waba udaca inyuma umukunzi wawe ntibihagije, ukwiye no gukora ibishoboka ngo atagukeka akaba yagufuhira. Niba agukunda, yumva ko uri umukobwa n’abandi basore bifuza nk’uko nawe byagenze bityo akumva ko isaha n’isaha bagutwara. Uko umusore agukunda cyane niko arushaho kumva afite impungenge kuko aba yumva ufite agaciro gahambaye buri wese ukureba akubonamo. Kora ibishoboka byose rero ugabanye urukururano n’abandi basore, ugabanye gutaha amajoro cyane no kugira gahunda zidasobanutse kandi utanazimubwiye, mbese ukore ibishoboka byose ye kujya ahagarika umutima ko hari abandi mufitanye umubano wihariye.

7. Kunda inshuti ze

Niba umusore mukundana afite abasore bagenzi be ubona ko ari inshuti magara, ibuka ko bafite ibyo bahuriyeho kandi bashobora kuba baranamugiriye inama igihe yafataga umwanzuro wo kugusaba urukundo. Wihita uhubuka ngo werekane ko inshuti ze ntaho uhuriye nazo ahubwo ereka umukunzi wawe ko wubaha kandi ukunda inshuti ze ubigiriye we, bizatuma arushaho kugira ishema kandi n’ikibazo mwagirana cyose za nshuti ze zakuvugira neza ku mukunzi wawe igihe cyose waba warazisanzuyeho ukazereka ko koko uri umukobwa w’umutima.

8. Mwereke ko uzi guteka kandi wifuza kuzajya umutekera

Iki ni ikintu abakobwa badaha agaciro cyane ariko mbabwije ukuri burya umusore wese aho ava akagera akunda umukobwa uzi guteka, akunda kuba yazagera aho atekerwa n’umugore, mbese ni ibintu bashyira imbere cyane. N’ubwo mwaba mutarabana rero, ntuzakore ikosa ryo kwakiriza umukunzi wawe ibiryo byatetswe n’umukozi. Nibiba ngombwa jya ureka abanze ahagere maze ushyashyane vuba umutekere; ibyo bihita bituma mu mutwe we atangira kwitekerereza nk’igihe waba umutekera mubana… Aha n’abagore bumvireho, mbere yo kwibaza impamvu umugabo wawe yaryamana n’umukozi, banza wibaze impamvu buri gihe yajya yakirwa n’umukozi ku meza. Yego ntiwareka akazi, ariko kandi igihe utakoze ntuzigere uha umwanya umukozi ngo ateke, kandi no mu gihe cy’akazi nabwo jya wegera umugabo umubaze uti uyu munsi tugutekere iki mugabo mwiza? Nubimubaza azumva ko n’ubwo byatekwa n’umukozi aba yabibwirijwe na nyirabuja.

9. Mukunde nk’ufite uwo murushanwa

Bajya bavuga ngo abagore n’abakobwa bagira inzaratsi. Ibyo nanjye ndabyemera ko zibaho ariko izo nemera si ibyo byatsi n’ibipyuye amaso bindi ntazi, inzaratsi ni ugukunda umukunzi wawe nk’ufite uwo murushanwa, ukamugenera impano, ukajya umukorera utuntu mbese wumva ko nta wundi wabasha kutumukorera ndetse ko n’uwabigerageza atageza ahawe, uba umwifatiye rwose aragenda agatwarwa umutima we ukawigarurira wose uko wakabaye.

10. Menya kumutetesha

Gutetesha burya bibaho mu buryo bwinshi. Ni byiza ko uzirikana ko gushima ibyiza biri ku mukunzi wawe ari ingenzi cyane, ahita yumva ko ahantu akunzwe, ashimwa ntacyo yahanganya. Mwereke ko umuha agaciro kandi ko ari ingenzi cyane kuri wowe, umwereke ko akurutira byose kandi umurutisha bose, umwite utuzina tuzatuma koko yiyumva nk’udasanzwe kuri wowe.

11. Mwereke ko umufuhira

Iyo tuvuze gufuha ntituba tuvuze gukabya. Niba rero umukunzi wawe umukunda, ibuka ko nyine hari n’inzindi nkumi zitabarika zimwifuza, umwereke ko ubizi ko ari mwiza kandi akurura abandi bakobwa, umwereke ko wababazwa no kumubona akundana n’undi mbese yumve ko nawe uzi ko afite igikundiro atari imbere yawe gusa ahubwo n’imbere y’abandi bakobwa.

12. Kora uko ushoboye yiyumve nk’umugabo uhamye

Burya abasore n’iyo baba batarashaka baba bifuza kwitwa abagabo. Niba umukunzi wawe mutarabana, hari uburyo wajya umwereka ko ari umugabo kandi ntacyo abura ngo abe umugabo nyawe n’ubwo igihe cyo kubana cyaba kitaragera. Mwite papa w’abana uzabyara, nimugirana gahunda umubwire uti umugabo niwe ufata umwanzuro mu rugo, nimuba muri kuganira umubwire uti mbona uzambera umugabo w’igitangaza,… Ibyo byose bigenda bituma yiyumva nk’uwarangije kuba umugabo wawe kandi akumva ko akwiye kubiharanira kugeza abigezeho.

13. Tangira umubere umufasha

Iyo umusore afashe icyemezo cyo gushaka, aba yifuza umufasha bazashyira hamwe bagafatanya gukorera urugo, akamubera umujyanama, akamubera umuterankunga mu bitekerezo n’ibindi nk’ibyo. N’ubundi rero mukobwa, n’ubwo mwaba mutarabana birahagije kuba mukundana ngo ujye ubasha kumwungura inama, niba uziko arimo gutegura umunshinga runaka ushake uburyo bwose wamwungura igikerekezo, nugira aho ubona ikiraka cyangwa ikindi cyamugirira akamaro umurangire mbese umwereke ko ushishikajwe cyane n’iterambere rye.

14. Gerageza kwiteza imbere no kwita ku buzima bwawe bw’ahazaza

Ereka umukunzi wawe ko ushoboye, niba ufite akazi ugakore neza, niba uri umunyeshuri wige neza ushyizeho umwete kandi niba utanafite akazi ube umukobwa w’imishinga, kuburyo ubushake bwawe anabishoye yagutera inkunga. Niba ufite akazi wikwemera ko buri gihe ariwe uzajya wishyura buri gihe uko musohokanye, fata igihe nawe wishyure umwereke ko nawe uri umukobwa wihagazeho kandi wabasha kwirwanaho, ibi bizamwereka ko nimunabana atazita ku rugo wenyine kandi binamuhamirize ko utari muri babandi bita “abakuzi b’ibyinyo”

15. Muhe umwanya, wimucungacunga cyane

Burya abahungu ntibakunda kwerekwa n’abakunzi babo ko babacungacunga kuri buri kantu, muhe rero umwanya n’ubwisanzure ureke yiyumvemo ubwigenge no kwifatira ibyemezo bityo azanumva ko akwiye kubikubahira no kwitwara neza, abikore kuko ari ngombwa atari ukubikora kuko wamucungacunze.

16. Gerageza kuba isoko y’ibyishimo n’umunezero bye

Burya iyo umuntu uwo ariwe wese atekereza ibyo kwinjira mu rukundo, nta kindi kintu aba ashyize imbere cyane kitari ugushaka umunezero n’ibyishimo biva mu rukundo. Gerageza rero nawe mukobwa, ukore ibishoboka byose umushimishe kandi burya abasore ntibagorana, kumuganiriza, kumubwira utuntu twiza wabonye, kumubwira udukuru dushimishije byose bimutwara umutima akumva ko ari wowe soko yavomaho umunezero buri gihe.

17. Wikumva ko wageze iyo ujya ngo uterere agati mu ryinyo

Abakobwa benshi ndetse n’abagore, iyo bamaze igihe kinini bakundana n’abakunzi babo hari ubwo bajya bakora ikosa ryo kumva ko bafatishije, ko hari ibitakiri ngombwa ko bakora kuko barangije kwizera ko bakunzwe. Oya wikwishuka rwose, urukundo ni nk’umuzabibu ukenera kuhirirwa, kuvomererwa no gufumbirwa na nyuma y’uko wera imbuto. Nunamara kuba umugore, uzakunde kuzirikana cyane bya bintu wakoraga kera ugirango umushimishe kuko niba biri mu byamunyuze akumva ko mwanabana akaramata, ni uko nyine nabyo yabyifuzaga iteka. Wicika intege rero urukundo rukeneye guhora rwuhirirwa iteka.

18. Fata umwanya nawe ubwe umwiteho

Iyo wamaze gukundana n’umusore ndetse mukagera kuri rwa rwego utangira no gutekereza ibyo kuba mwarushinga, jya uhita unazirikana ko ugomba gutangira gukora bimwe mu byo ugomba kuzakora mwabanye. Menya rero kwita ku musore mukundana hakiri kare, umumenyere imyenda imubera umubwire ayigure cyangwa se umufashe kuyigura, nibinaba ngombwa ndetse mu gihe ubishoboye ujye uba ari wowe uyimugurira. Umumenyere umubavu akwiye kwitera, ujye rimwe na rimwe umuterera agapasi cyangwa unakore ibindi wazanakora mwabanye.

19. Ba umukobwa kandi witware nkabo

Muri iki gihe usanga hari abakobwa bamwe na bamwe bitiranya ibijyanye n’uburinganire ndetse n’ubwuzuzanye, ugasanga bo barabifata nko kwigira ibyigenge bakitwara uko bishakiye. Itware nk’umwari ubereye u Rwanda, umenye ko utagomba kuba umukobwa w’akabari nka bamwe bajya bitwara gutyo, umenye ko utagomba gutaha igicuku no kwigira intakoreka mu muryango ukomokamo.

20. Mwereke ko unyurwa kandi ureke kumuzanaho ibikangisho

Abahungu burya banga abakobwa babashyiraho ibikangisho, bamwe baba bababwira ngo nudakora iki bizagenda gutya, ngo uramutse ukoze ibi ibyanjye nawe byahita birangirira aho, ngo nukora iki ntuzongere kumvugisha,… Wimuzanaho ibikangisho umwereka ko akwiye guterwa ubwoba n’uko wamwanga kuko watuma abikorera icyo cyangwa we agahita akureka. Menya kumwubaha no kumwereka ko ari we mwanzuro w’ubuzima bwawe.

 

Advertisements
Advertisements
Advertisement [speaker]
Click to comment

Comment

inyigisho

Niba wibonaho ibi bimenyetso menya ko indwara y’umutima ikugera amajanja!

Published

on

By

Advertisements

Umutima n’imwe mu ndwara zihitana  umubare w’abantu benshi mu mwaka ariko kandi muri abo bose nta n’umwe uwurwara atabanje kugira ibimemyetso ndetse ku buryo aramutse yitaye ku marenga umubiri uba umucira aba abasha kwivuza agakira kandi burundu,ni muri urwo rwego twifashishije urubuga ,Topsante ,twabakusanyirije ibimeyetso byose bigaragara ku muntu indwara y’umutima iri gukomanga.

Kubira ibyuha nta mpamvu

Niba ubona watangiye kubira ibyuya buri kanya kandi nta mpamvu uzi, uba ugomba kujya kureba umuganga kuko gishobora kuba ikimenyetso cy’indwara z’umutima.

.Kuribwa mu muhogo no mugatuza

Ni kenshi wumva umuntu akubwiye ko ababara mu gatuza , bikazamuka akaribwa no mu muhogo.

Ibyo bimenyetso rero iyo watangiye kubyibonaho uba ugomba kujya kwa muganga hari igihe aba ri ibimenyetso by’indwara z’umutima.

Kumva udatuje buri gihe

Iyo wumva udatuje, umutima ukagusimbuka buri kanya mu gihe nta n’ikintu kigukanze, ugomba kujya kureba muganga kuko aba ari ikimenyesto mu byatuma ufatwa n’indwara z’umutima.

Kugira umunaniro utazi aho uturuka

Ubusanzwe iyo wumva unaniwe uba uzi neza icyaguteye uwo munaniro ,niba ari ugukora cyane, kuba warayamye utinze n’ibindi.

Iyo rero ufite umunaniro utazi aho uturuka kandi bigahoraho, uba ugomba kumenya ko icyo ari ikimenyetso kikwereka ko ushobora kwibasirwa n’indwara z’umutima.
Icyo gihe uba ugomba kwihutira kujya kwa muganga bakakurebera impamvu zibitera.
Uburibwe bw’amaboko

Iyo watangiye kugira uburibwe buturuka mu gituza bukagera ku maboko, icyo kiba ari ikimenyetso kikwereka ko ushobora kwibasirwa n’indwara z’umutima.

Advertisements
Advertisements
Komeza usome

inyigisho

Ibimenyetso ko ugiye kurwara Diabete kuburyo wahita wivuza hakiri kare.

Published

on

By

Advertisements

Diabete irimo ubwoko bwinshi niyo mpamvu uyu munsi twateganyije kubanza kukubwira ibimenyetso bizakubwira ko ugiye kurwara Diabete yo mu bwoko bwa kabiri!

 

Kugira inyota

Uku gushaka ibyo kunywa biherekezwa no gushaka kwihagarika,gusonza,kuma iminwa,kugabanuka ibiro cyangwa bikiyongera cyane.

Kurwara umutwe

 

Kurwara umutwe udafite ikiwutera ndetse no kugira ibirorirori mu maso n’umunaniro biri muri bimwe mu bimenyetso bya diabete.

Indwara z’uruhu

Hari n’igihe bigera ko umenye ko ufite diyabete waratangiye kuzahazwa n’indwara zitandukanye

 Kunanirwa no gutera akabariro

Ubundi iki ni ingaruka ya diyabete yageze mu mubiri ariko nkuko twabivuze hari abaza kwa muganga yaratangiye kubazahaza. Ushobora kwibaza se diyabete no gutera akabariro bihurirahe?

Ubundi diyabete irangwa nuko mu mubiri isukali yiyongera hanyuma ya sukali ikangiza udutsi tw’igitsina(blood vessels and nerves endings of penis).

 

Hari ingamba wafata kugirango ugabanye ibyago byo gufatwa nayo

  1. kugabanya umubyibuho cyangwa ukabyirinda
  2. Kwirinda kunywa inzoga n’itabi
  3. Gukora imyitozo ngororamubiri
  4. Kutarya ibinyamasukari byinshi

Gusa hari nibyo utakirinda kandi bifasha diyabete gufata umurwayi:

  1. gutwita

iyi diyabete iza ku cyumweru cya 24 utwise,igafata 3% by’abagore batwite. Impamvu nuko imisemburo(hormones) ikorwa n’ingobyi y’umwana (placenta) ituma agira ubudahangarwa ku musemburo wa insulin.

2.Ubwoko

Abantu bafite inkomoko ya hisipaniya,kavukire k’amerika,abanyafurika,ndetse n’aziya bafite ibyago byo gufatwa na diyabete , biturutse ahanini ku imirire yabo gakondo.

3.Umuryango

Iyi n’ihererekanwa mu muryango ,ku buryo iyo ufite umuvandimwe cyangwa umubyeyi uyifite nawe uba ufite ibyago byo kuyirwara

Advertisements
Advertisements
Komeza usome

Amateka

ANABASIS THE TEN THOUSANDS MARCH IGICE CYA KANE

Published

on

Advertisements

Tudatinze mu magambo, ubu tugeze mu gice cya kane cy uruhererekane rw amateka y urugendo rw abacancuro ibihumbi 10 bisanze mu gihugu kigari cy ubwami bw abami bw Ubuperesi ubwami butabashakaga gusa bakaza kuhikura bya kigabo bibasabye ukwishyira hamwe ndetse n ubushishozi buhambaye. Aha niho haturutse imvugo yamamaye ya kigereki igira iti: “Thalassa Thalassa” bisobanura inyanja. Niba utarasomye igice kibanziriza iki wakanda kuri iyi link ubundi ugasoma kugira ngo unabashe kumenya aho ibi bintu byari byarahereye….  https://yegob.rw/anabasis-the-ten-thousands-march-igice-cya-gatatu/

Dukomereje aho twari tugeze nakubwira ko Tissaphernes we yabigize ibye kubahiga bukware ngo abice, uyu Satrap yari yaragaragaye muri internal politics affairs z abagereki mu ntambara ya Peloponnesia aho yashyigikiraga Sparte n aba allies babo nyuma yaho agashaka guhindura uruhande agashyigikira Athens nubwo byaje kumunanira, aha noneho bitewe no gutinya kuba yarwana byeruye n aba bahoplites, n abapeltasts b abagereki yahisemo gukoresha amayeri, amayeri ye yari ateye atya yagombaga kubaha inzira bagasezerana ko bazabaha ibyo kurya no kunywa ariko ntibahohotere abantu be, ibi barabyemeye bakora ibisa n amasezerano ariko aha nuko byari byagaragaye ko abaperesi batashakaga abagereki yewe banabagabaho udutero shuma, nyuma yaho Satrap yaje gukoresha ibirori ndetse anatumiramo abagaba b ingabo z abagereki b abacancuro nk ikimenyetso cy amahoro, mu mpaka aba bagaba bamazemo umunsi wose bavuga ko batagomba kugenda nyamara generari Clearchus wari umugaba wabo mukuru agashaka kugenda kugira ngo ashyikirane nawe maze babone uko basubira iwabo, nk umuyobozi byari ihurizo ariko nanone ntibari baribagiwe ubugambanyi bwa Satrap Tissaphernes. Impaka zarangiye bimeje ko berekezayo kuko generari Clearchus yabarushaga igitinyiro n ijambo.

Abagiyeyo bari abagenerari 5 n aba captains 20 n abandi basirikare 200, abagenerari bagiye bari generari Clearchus, generari Proxenus, generari Menon, generari Agias na generari Socrates. Bakigerayo basanze ari ubugambanyi nuko bahita batabwa muri yombi bashyikirizwa umwami Artaxerxes II nuko bahita babica uretse generari Menon wabanje gukorera iyicarubozo akaza kwicwa nyuma y umwaka. Nyamara ibi ntibyabaye bukeye bwaho ahubwo hari hashize igihe urugamba rwa Canaxa rubaye.

Satrap watinyaga abagereki yari yabasezeranyije kubaha inzira mu ntara ye akabaherekeza kugeza muri Ionia ikaba yari intara ya Aziya y abagereki. Bageze hafi n uruzi rwa Tigris bakambika hafi nahitwa Sittace, ariko bari bakurikiwe n abaperesi bashaka kubarimburira rimwe niko guhita berekeza miles 60 mu majyaruguru hafi n umujyi witwa Opis. Uyu mujyi warurinzwe n umuvandimwe badahuje nyina ubabyara w umwami Artaxerxes II, kuko yari afite ingabo nyinshi aha abagereki bakoze imirongo y urugamba ya phalanx barayagura cyane kuburyo umuvandimwe wa Artaxerxes II yaketse ko ari ingabo nyinshi zibateye ahitamo kubaha inzira areka kurwana nabo.

Hashize iminsi ine bageze mu marembo ya Caenae abaturage baho babakiriye neza, baranabagaburira. Nyuma yaha niho bwa bugambanyi nababwiye haruguru bwabaye, Satrap Tissaphernes abatumije nyuma ahita anabicisha mu maso y umwami. Nicharus umwe mu basirikare wari waherekeje abagenerari 5 yagarutse atwaye amara ye mu ntoki nyuma yuko inkota yamwahuranyije mu nda nuko abarira benewabo ibyababayeho nuko bose bariheba barumirwa kuko nyuma yuko bishe abatware b ingabo zabo ntakabuza bari bashiriye bose rimwe. Tissaphernes nuku yabitekerezaga, nitwica abatware b ingabo b abacancuro b abagereki turaba tubaciye umutwe ubundi tubahurane tubarimbure ikibazo cyabo tube tugishyizeho akadomo, nibyo koko yatekerezaga neza niko abaperesi byari kugenda nako niko byari byagenze igihe igikomangoma Cyrus cyicwaga bose baratatanye impamvu y intambara irahagarara. Aba baperesi barwanaga barwana mu izina ry umuntu ariko abagereki bo barwaniraga amagara yabo. Aba bagaba bingabo bamaze kwicwa, Xenophon icyo gihe wari umwanditsi w umunyamateka n inshuti bihambaye ya generari Proxenus wari wishwe yararose, inzozi ze azirotoreye abasirikare bakuru bari hamwe nawe niko kumusaba ko yazirotorera n ibindi bihumbi byinshi byari hamwe nabo. Yababwiraga ko batagomba gucika intege no gucikamo ibice ahubwo ko bagomba guhuriza hamwe bagasohoza umugambi w abatware babo bari bishwe wo gusubiza iwabo aba barwanyi bari bahambaye mu isi yo mu gihe cyabo.

Nibwo bahisemo gutora abandi basirikare bakajya mu myanya y abari bishwe ubundi bagakomeza urugendo rwabasubizaga iwabo. Aha Satrap yari amaze kwibeshya anakozwe n isoni kuko umugambi we wari upfubye gusa ntiyarekeye aho, Aha mu gushyiraho abandi bayobozi Xenophon niko yaje kwisanga ari mu ba “Strategoi ijambo ry ikigereki” bisobanura mu cyongereza “Army Leader” wagenekereza mu Kinyarwanda bikavuga “Abatware b Ingabo”. Aha Xenophon yarabaye generari umwanya Atari yarigeze anatekereza, ari nabyo byamubereye ihurizo rikomeye cyane. Abandi basirikare batowe bari Timasion, Xanthicles, Cleanor na Philesius nuko General Commander agirwa Cheirisophus wo muri Sparte. Generari Xenophon ari gutanga imbwirwaruhame ye nibwo yavugaga ijambo ry ikigereki “Soterias” bisobanura ugucungurwa nako kanya ari kubivuga umuntu umwe aba aritsamuye, ibyo ntibyari ibintu bidafite ubusobanuro mu bagereki, ibi byari ikimenyetso cyuko imana iruta izindi Zeus yari ibihamije kandi ibyumvise. Niko guhita bigabanya imitwe y ingabo, aha mu gisirikare cy ubu n icya kera habaho abasirikare ba Avant-guarde (Vanguards) na Arrier-garde (Rearguards) bamwe bagashingwa gutata imbere cyangwa gushakira inzira ingabo ibihumbi byinshi ziri bunyure mu gihe abandi baba barinda ingabo nyinshi umwanzi wabaturuka inyuma byanaba ngombwa bakamurwanya bamutinza kugira ngo igisirikare kibone uko cyambuka cyangwa gihunga bakava aho bari bagotewe aba bombi baba bazi baniteguye gupfa isaha n isaha ku kigero kiri hejuru kurusha abandi basirikare. Generari Cheirisophus w umunyasparte yashinzwe vanguards mu gihe generari Xenophon yashinzwe rearguards.

Muthradates mwibuke uyu niwe wishe igikomangoma Cyrus aha yari yaragororewe n umwami amugira Commander niko kugaba igitero kuba cancuro b abagereki yitwaje abarwanira ku mafarashi 200 n abarwanisha imiheto 400 ntakindi yishingikirije uretse ko ngo abagereki bananiwe. Abagereki baramurwanyije ndetse bituma nabo biremera abarwanisha amafarashi bagera muri 50 kugira ngo bajye bahangana n ababateye nuko Lygius akurira cavalry y abagereki. Bagenda berekeza mu mujyi umwanditsi Xenophon yise Mespila gusa ntibari bazi ko ari ibisigazwa by umurwa mukuru w ubwami bw abami bwa Ashuru (Assyria) witwa Ninive, nibwo bageze mu nzira ifunganye bahitamo kuzajya barema companies 6 aho buri company yarifite abasirikare 100 nuko noneho eshatu imbere n izindi eshatu inyuma kugeza aho inzira yongeye kuba ngari bagasubira mu mirongo yabo ya mbere, ibi byakozwe nk uburyo bwo kwirinda nk igihe baba baguwe gitumo n abanzi babo b abaperesi kubasha kwirwanaho badashiriye kw icumu. Abacancuro barakomeje urugendo rwabo bagera muri miles 200 n umupaka waba Cardachians na Armenia ku mugezi wa Centrites mu burasirazuba bw uruzi Tigirs nibwo ingabo za Satrap Orontas zoherejwe ngo zibakumire zigizwe n abanyarmeniya, abamidiyani, abakaludaya ziyobowe n uwitwa Tiribazuz nuko n inyuma y ingabo z abagereki haturuka abanyacarduchian barabagota ntahantu na hamwe ho kujya bari bafite. Nibwo abagereki bigiriye inama…. inama imwe ihambaye niko kubaga amatungo bari bafite intama, inka, ingamiya, ihene impu zabyo bazuzuza umucanga ngo zitanyerere nuko bazambukiraho umugezi bakira batyo.

Mu mpera z Ugushyingo bateye inyubako y umutware gusa ntibayiraramo ahubwo berekeza mu cyaro cyari hafi aho bararya baranywa gusa ntibatinda kuko Tiribazuz yabagenzaga ngo abice ntiyari kure yabo kuko babonaga urumuri rwaho ingabo ze zikambitse niko gukomeza urugendo gusa ntibari borohewe kuko yari mu gihe cy ubutita ntanibyo kwifubika bari bafite…. Birumvikana hari abo ubutita bwishe kuko ubutaka bwari butwikiriwe n amasimbi. Hari nkaho ingabo zageze hari amashyuza nuko zanga gukomeza kandi umwanzi ari mu mboni zabo nuko babwira generari Xenophon bati tureke turagwa aha ho gukomeza. Urugendo rwarakomeje, nuko baza kugera mu byaro by abanyarumeniya babakirana ubwuzu barabagaburira nuko babaha naho kuba. Bava aho berekeza mu gihugu cy abataochians nuko abaturage baho babakirana ubugwaneza nkuko babigiriraga abahanyuraga bose, nyuma yaho binjira witwaga Gymnias umutware wabo ababera imfura nuko anabaha uwari kubayobora urugendo rwari rukurikiye. Indwanyi z abahoplites n abapeltasts bakimenya ko kuva Gymnias ukagera ku Nyanja yirabura ko ari urugendo rw iminsi itanu, baranezerewe barishima kuko inzira iruhije yari igeze ku ndunduro yarimo irangira.

Nshuti, reka duhinire aha iby inkuru yacu tuzakomeza ubutaha ari nako dushyira akadomo kuri uru ruhererekane rw amateka ahambaye amateka abagereki biyandikiye ari nayo yabaye intandaro yo kwigarurira isi yarizwi icyo gihe bikozwe n umwana muto, umwe wabaye umwe mu bagenerari bahambaye isi yagize mu mateka yabo.

Ndabashimiye mugire amahoro y Imana!!!!

 

Advertisements
Advertisements
Komeza usome

inyigisho

Ubushakashatsi: Sobanukirwa ibanga ryakugeza ku bukire wifuza

Published

on

Advertisements

Hari ubwo waba uri umwe mu bibaza ko ubukire cyangwa ubukene byaba ari impano y’Imana,bimwe bita (destin mu gifaransa).Umwanditsi ukomeye cyane w’umunyamerika arabibeshyuza.

Nyuma y’imyaka irenga makumyabiri yamaze abikoraho ubushakashatsi. Umwanditsi w’umunyamerika Napoleon Hill wavutse mu mwaka wa 1883,akavukira mu misozi miremire yahitwa Virginie (USA),yabaye umunyamakuru w’icyamamare mu gihugu cye ,kugeza ubwo umuherwe w’aho muri Amerika witwa Robert L.Taylor, amusabye kumukorera mu kinyamakuru cye “Bob Taylor’s Magazine.”

 

Umwanditsi Napoleon Hill

Nibwo rero amushinze akazi ko kugenda abonana n’ibihangange byose byo muri Amerika abibaza ukuntu byagiye bigera ku bukire.

Akazi yaragatangiye ndetse abenshi mu basomyi barabyishimira. Muri ako kazi yaje kugera ku muherwe witwa Andrew Carnegie, amwungura inama y’uburyo bw’imikorere ati: “Ibyo uri gukora byo kuganiriza umuntu umwe umwe ubundi ukandika uri kubikora nabi; ngiye kuguha akazi kazamare imyaka makumyabiri. Ugende ushake byabihangange bya kabuhariwe mu bukungu,birimo nka ba Ford, Wrigler, Wanamaker, Eastman, Rockfeller, Edison n’abandi benshi nkabo ndetse ushyiremo n’aba Perezida nka batatu ba Leta Zunze ubumwe za Amerika maze ugeze muri 500.”

Umugabo atangira ubwo, ariko noneho atagamije kubaza ngo yandike mu kinyamakuru ahubwo ari ukugira ngo akuremo isomo rusange ku buryo yazabyandikamo igitabo kikagirira Isi yose akamaro, nkuko yari yabigiriwemo inama na Andrew Carnegie.

Hill arakora,hashize imyaka 25 yasohoye igitabo gikubiyemo ibanga ry’ubukire yise “Think and Grow Rich” mu cyongereza cyangwa “Réfléchissez et devenez riche” mu rurimi rw’igifaransa .

Nkimara gusoma icyo gitabo cyamamaye kigahindurwa mu ndimi zitandukanye zisanga 40 hagamijwe ko ibikubiyemo bigera kuri benshi, nasanze byaba byiza gusangiza abandi iby’iki gitabo, ibyo uyu mwanditsi avuga ko umuntu abishatse ashobora gukira.

Simbivuga mbihamya wenda ngo ugire ngo nabigezeho, ariko reka mbigereranye n’urugamba; mugenda muri benshi bamwe bakazatahukana umuhigo, naho abandi bakarugwaho.

Ariko mbanze nkwibireho akabanga, ntugire ngo ni ukwicara bikizana reka da… Biragusaba kubira icyuya cyakindi cyirukana inyatsi n’imyaku,bikagusaba kwihangana, kwemera gusonza no kwirinda guteshuka ku mugambi wafashe. Ukaba aka kandi kiziritse k’umuhoro gashirwa kawuciye.

Si umugani ndetse nta n’ubwo ari igitekerezo ibyo iki gitabo kivuga byabayeho kandi byemezwa n’abakize bakurikije inzira zerekanwa muri cyo.

Bimwe mu bibazo wibaza uzabisanga muri iki gitabo

Ni iki gituma umuntu ibyo akoze bimuhira,akabona amafaranga, umutungo we ukiyongera ukabona afite umunezero kandi abandi ubona barabuze naho bahera ngo batangire?

Ni iki gituma bamwe babona ibisubizo by’ibibazo byabo, bakamenya inzira nyayo ikwiye ngo bivane mu ngorane izi n’izi mu gihe abandi babuze uko bifata?

Aha niho hari ibanga Andrew Carnegie yahishuriye Napoleon Hill, amwigisha uburyo iryo banga rikoreshwa n’icyo yakora kugira ngo agere kubyo abandi bagezeho no kugira ngo abumbire hamwe ibyo bitekerezo maze abishyire mu gitabo cyazagirira rubanda akamaro.

Ibanga ry’ubukire rivugwa muri iki gitabo“Think and Grow Rich” nkuko umwanditsi abivuga abo rifasha kurusha abandi ni abahuye n’ibibazo mu buzima bwabo,uwahuye n’ikintu cy’urucantege mu buzima. Muri make hari ingorane wagize zigatuma utagera kucyo washakaga kugeraho, bizagutera imbaraga zo gukora cyane noneho ngo utazongera gutsindwa.

Niba witeguye kwakira iryo banga wamaze kugera ku icya kabiri cy’uwo mukino dore ko burya gukira nabyo ari umukino nk’iyindi kandi ukaba umukino uryoha cyane,igihe ni kigera uzanyunguta ku buryohe bwawo.

Ingufu z’ibitekerezo byawe arizo zizakugeza kuri ubwo buryohe bw’ubuzima, aribwo bukire.Uzirikane ko ubukungu bwose, umukiro wose, byose bituruka ku bitekerezo, ahasigaye ufate wa mugambi wa kigabo ugira uti: “Icyo nshaka ngomba kukigeraho byanze bikunze.”

SOURCE: IGIHE.COM

Advertisements
Advertisements
Komeza usome

inyigisho

Hatanzwe Inama zihuza gukora Imibonano Mpuzabitsina no kwirinda COVID-19.

Published

on

Advertisements

Imibonano mpuzabitsina ni kimwe mubintu byagaraye ko bishobora kwanduza mu buryo bwihuse icyorezo cya Corona Virus (COVID-19) ndetse kandi  ubushakashatsi bwagaragaje ko mu gihe abantu bari kuguma igihe kinini mungo zabo ikigero cyikorwa ry’imibonano mpuzabitsina cyiyongera cyane .

nkuko tubikesha ikinyamakuru cyitwa igihe.com  gikorera hano mu Rwanda muri canada abaturage bagiriwe inama z’uburyo bakoramo imibonano mpuzabitsina ndetse bagakomeza no kwirinda covid-19,

Ni ubuyobozi bw’intaraya British Colombia ho muri Canada bwasabye abaturage guhindura uburyo bakora imibonano mpuzabitsina bagakora mu buryo bagabanya ibyago byo kuba bakwanduriramo covid-19 nkicyorezo gihangayikishije isi yose ndetse kandi cyahinduye byinshi kuminbereho isanzwe y’abaturage b’isi yose muri rusange.

ikigo gishinzwe kurwanya iyi ndwara kibinyujije kurubuga rwacyo rwa internet B.C Center for Desease Control yasabye abaturage ko  umuntu akwiye kugira mugenzi we umwe rukumbi bakorana imibonano mpuzabitsina cyangwa se bake cyane, kuko byagabanya ibyago byo kwandura COVID-19 ayizaniwe n’uwo baryamanye.

kirashishikariza abaturage kandi ko Mbere yo gukora imibonano mpuzabitsina  babanza gukaraba neza umubiri wose n’amazi n’isabune.ndets ekandi mbere yo gukomeza igikorwa babonye umwe arwaye ibyiza atri ukubihagarika.

cyakomeje kandi kibabwira kwambara ikintu kirinda mu isura cyangwa agapfukamunwa.kuko guhumeka cyane mu gihe cy’imibonano mpuzabitsina bishobora gutuma haboneka amatembabuzi yakwirakwiza COVID-19.

cyongeye kandi kibagira inama ko abantu bakorana imibonano mpuzabitsina  bagirwa inama yo guhana intera bityo amasura ntiyegerane, bakifashisha ikintu kibatandukanya nk’urukuta rubajya hagati, rufite umwenge utuma ibitsina bihura, ibizwi nka glory holes.

Gusomana cyane kandi kuburyo abantu babiri baherekanya amatembabuzi yo mu kanwa byaba byiza byirinzwe kuko biri mubintu byanduza Covid-19 mu buryo bwihuse ndetse kandi ngo bagahora bazirikana gukoresha agakingirizo.

Imibonano mpuzabitsina yanduza Covid-19 cyane

SRC : www.igihe.com

 

Advertisements
Advertisements
Komeza usome

Hit Music Only!

Advertisement
Advertisement
Advertisement

Trending

Copyright © 2020 YEGOB

Advertisements
%d bloggers like this: