Mu myambarire iteye isoni, uku niko ibyamamare byo mu Rwanda bikunze kwiyambarira mu birori

Iyo ugerageje kuzenguruka mu gihugu hirya no hino cyane cyane ahaba habereye ibitaramo by’abahanzi cyangwa ibindi birori bitandukanye byahuje imbaga nyamwinshi uhasanga abantu bambaye mu buryo butandukanye akenshi usanga ivugisha benshi.

Iyi myambarire iharawe na benshi bamwe bayibona nka kimwe mu bigaragaza ko imyidagaduro igenda itera imbere mu Rwanda kuko abayitabira bagenda bahindura uburyo bagaragara iyo bayitabiriye.

Abakunze gushyirwa mu majwi kenshi ni abari (abakobwa) biganjemo ahanini abahanzi, abanyamideli, abakinnyi ba sinema, ba nyampinga ndetse n’abandi…, aba bose ahanini usanga bagawa kubera imyambarire yabo idahwitse gusa ntibivuze ko n’abakigendera ku muco badahari.

Mu gihe iterambere ryiyongera abanyarwanda dusabwa gusigasira umuco wacu kugira ngo udatakarira mu byo twita iterambere, gusa iyo urebye urubyiruko rw’u Rwanda usanga bamwe na bamwe badakozwa ibyo gusigasira umuco wo kwambara ukikwiza.

Kugira ngo umuco wo kwambara ukikwiza ubumbatirwe bisaba kwifashisha bamwe mu byamamare byo mu Rwanda cyane ko aribo bafatwa nk’ibyitegererezo ku bakiri bato, gusa kuri ubu usanga ibi byamamare aribo bigana imico y’abandi bityo bagapyinagaza umuco w’u Rwanda wo kwambara ukikwiza kandi ari bo bagafashe iyambere mu kwigisha ababareba cyane ko byafasha gukangura umuco wo kwambara ukikwiza usa n’ugenda usinzira.

Dore amwe mu mafoto yagiye afatwa mubihe bitandukanye agaragaza bamwe mu byamamare mu Rwanda bari mu myidagaduro ariko basa n’abasize umuco wo kwambara ukikwiza mu rugo.