in ,

Mu gihe uzaba wihebye ujye wibuka ibi bintu!

Mu buzima muntu ahura na byinshi bimuza intege ndetse rimwe na rimwe akiheba akumva kubaho ntacyo bimaze,gusa burya ntabwo aba ari ngombwa ko wumva ubabaye kugeza ubwo wumva iby’isi byose ubyanze,ndetse hari ngo n’abagera aho bifuza urupfu bakarushaka bikagera aho biyahura ariko abo baba birengagije ikintu gikomeye kivuga ko impano ikomeye ya muntu ari ubuzima,ibindi biza nyuma.

 

 

Mu gihe cyose uzajya wumva ubabaye ,wumva wahemukiwe cyangwa wababajwe mu buryo buremereye,mu gihe ibyo wanyuzemo bizajya biba inyanja ubwonko bwawe bugomba kuzenguruka bikagutera gusuhuza umutima  ,ntabwo uba ukwiye kumera gutyo.Umuhanga mu kwandika ibitabo  MARC CHERNOFF,yanditse mu gitabo cye “8 Things to Remember When Everything Goes Wrong” ati” iyaba wazirikanaga ko nta joro ridacya,ibyari umubabaro wajya ubifata nk’igihu cy’imvura kiza mu gihe cy’impeshyi.

Twifashishije igitabo cya Marc,twagukusanyirije ,amagambo ashobora kugufasha mu gihe wumva hari ibitagenda mu buzima.Marc ati”

1.kuki wibagirwa ko ejo ari umunsi mushya,erega ibyabaye none bizahinduka amateka izuba niryongera kurasa.

2.Twese twabuze abantu,ibintu twakundaga ku buryo bukomeye,ariko kubitekereza bitera gukomera kandi tukarushaho kuzirikana akamaro batugiriye/byatugiriye.

3.Uracyariho n’ubwo wumva utishimye ariko nyamara ukwiriye ibyagushimisha kandi ntiwabibona ubabaye.

4.Niba uko wifuzaga ibintu ko bigenda atariko  byagenze wikiheba,kuko guhagarika kugerageza ariko gutsindwa konyine.

5.Wikihererana agahinda mu mutima,gira uwo ubibwira kuko mu magana ufite y’inshuti ntiwaburamo uwo wizeye kandi wagufasha kumva ko ibyo ufata nk’umutwaro byoroshye.

6.Ese niba bwira bugacya ninde wakubwiye ko ibibazo byo byahoraho,Marc ati” niyo wabona ijoro ryatinze gucya,niho hahandi igitondo kizaza kandi uzakibona.

7.Ntabwo uri ubusa busa bwo guhonyorwa,ngo usibangane. niyo mpamvu ufite umutima n’ubwenge ngo utekereze maze nyuma yo kugwa ubyucye kandi ushikame,ni ukubera iki wakumva ko birangiye? kandi ugihumeka

8.Burya inkuba zirakubita,imirabyo ikarabya ariko niho hahandi agasusuruko kajya kaza kandi umucyo ukeyura umwijima,wiremererwa mu mutima rero kuko ntacyo byakumarira usibye kumva wijimye ,ndetse wihebye nyamara kandi ibyo biri kukubabaza ni nka ya mirabyo irabya ,ntabwo yahoraho kabone niyo yaba ari mu muhindo.

 

9.Ntacyakubera cyiza ko nkwizera uwo uriwe,niyo abandi bakubonamo umunyantege nkeya,udafite icyo avuze,udafite icyo ashoboye.wowe komera kandi burya ntabwo isi yose yakubona nabi ahubwo n’uko abashaka ku kureba aribwo buryo baba bahisemo kukubona,nonese bizakumarira iki kubaho utishimye bitewe n’uko batakubonamo ibyiza kuribo.uri wowe ntabwo uzaba bo,ndetse muribo ntawaba wowe,ishimire uwo uriwe kuko udateze uzaba undi.

10.Wikiheba uri igitangaza ku bwawe no ku bandi bakwishimira,utakwishimiye wimutega iminsi kuko isi turimo idutwara ukwayo kandi burya ntiwakishimirwa na bose kimwe n’uko nabo batishimirwa nabose erega.isinzi ry’abantu ubona buri munsi burya buri wese afite umutwaro mu mutima we,gusa baraseka kandi barishima ,impamvu ubona mu maso yabo hadakanyaraye n’uko bahisemo kubaho kandi bishimye.

Nawe hitamo kubaho wishimye kandi uhorane kanyamuneza,niyo wababare ,izuba ntirikarenge bimeze bityo kuko burya ibihe birashira kandi umubabaro utamuruka nk’umwijima umuswemo itara ariko kandi ibyishimo ntiwabibona utabihaye umutima wawe.

Report

What do you think?

146 Points
Upvote Downvote

Comments

Shyiraho igitekerezo

Loading…

0

Mu mafoto reba mu mazu meza y’ibyamamare kurusha ayandi!

Waba uzi ibimenyetso byerekano ko umuhanzi nyaRwanda cyangwa se Ibyamamare nyaRwanda bimaze kubona amafaranga? :IREBERE AMASHUSHO