Connect with us

Imyidagaduro

MK Isacco na The Same bakoze indirimbo bibasira Active,Teta Sandra na Vanessa Uwase (Yumve Hano)

Published

on

Nyuma y’amezi akabakaba ane, Olvis na Derek bo mu itsinda rya Active batandukanye byeruye n’abakobwa bakundanaga, imibanire yaranze urukundo rwabo yagarutsweho mu ndirimbo nshyashya y’umuhanzi Nyarwanda MK Isacco ukorera muzika mu Bufaransa.

 

Olvis na Derek batandukanye n’abakunzi babo mu gihe kimwe ku buryo byatunguye abakunzi b’itsinda bahuriyemo ndetse n’abakurikiraniraga hafi iby’umubano hagati yabo n’abakobwa bakundanaga urudahishwa. Derek yari amaze igihe akundana na Miss Sandra Teta mu buryo buzwi, mu gihe Olvis yari amaze amezi macye yemeje urukundo rwe na Miss Uwase Vanessa batangiye kugaragarana mu ruhame mu ntangiriro z’uyu mwaka wa 2016.

 

Bimwe mu byaranze urukundo rw’aba bahanzi na ba Nyampinga byatumye umuhanzi Murwanashyaka Isaac [MK Isacco] afatanyije n’itsinda The Same bakora mu nganzo baririmba indirimbo icyebura ‘abasore batendeka’ nk’uko byagarutsweho muri iyi ndirimbo yiswe “Mr Lover.”

ikop

Mr Lover” yatunganyijwe na Producer Trackslayer umaze kubaka izina mu Rwanda mu gukora indirimbo.

 

MK Isacco abajijwe icyatumye atekereza gukora indirimbo yumvikanamo amazina y’abagize itsinda rya Active, yavuze ko yabikoze agendeye ku makuru yari amaze iminsi avugwa.

Abajijwe niba ataba yashatse gushotora cyangwa gukomeretsa abagize Active batandukanye n’abakunzi babo, MK Isacco yavuze ko mu gukora iyi ndirimbo atashatse kwibasira abagize itsinda rya Active ahubwo akaba yaratekereje kuyikora mu rwego rwo guhanura abishora mu rukundo nta ntego ihamye.

Ati: Iyi ndirimbo ntabwo nayikoze ngamije gukomeretsa bagenzi banjye bagize itsinda rya Active, ni abasore nubaha, cyane ko dusanzwe tunafitanye umubano wihariye, ahubwo nashatse kugira inama umuntu wese utendeka kuko atari byiza ndetse bigira ingaruka. Nifashishije ingero z’amazina azwi mu rwego rwo kugeza ubutumwa bwanjye kuri benshi.

 

Mu ndirimbo “Mr Lover” ya MK Isacco n’itsinda The Same, bagarutse ku mazina y’abakundanye n’aba basore bo mu itsinda rya Active ndetse na byinshi mu byagiye bivugwa mu itangazamakuru ku itandukana ryabo.

 

Derek na Olvis n’abahoze ari abakunzi babo ntibaragira icyo batangaza kuri iyi ndirimbo nshyashya ‘ibavugaho’.

 

MK Isacco wagarutse ku byavuzwe ku rukundo rw’abagize Active n’abahoze ari abakunzi babo, ni umuhanzi ukomoka mu Rwanda ariko ukorera muzika mu Bufaransa aho amaze imyaka aba.

https://www.youtube.com/watch?v=Jju9wZU2aMU

Abagize Active bari bamaze igihe batumvikana mu itangazamakuru baherutse gutangaza ko biteguye kugarukana imbaraga muri muzika cyane ko nabo bamaze igihe bategura imishinga mishya izongera gukora ku mitima y’abafana babo.

Leave your vote

Comments

0 comments

Advertisement
Click to comment
Subscribe
Notify of
guest
0 Comments
Inline Feedbacks
View all comments

Izikunzwe

Advertisement
Advertisement

Inkuru z'umunsi

Log In

Forgot password?

Don't have an account? Register

Forgot password?

Enter your account data and we will send you a link to reset your password.

This site is protected by reCAPTCHA and the Google Privacy Policy and Terms of Service apply.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

error: Content is protected !!
Skip to toolbar