Miss Kundwa Doriane agiye kwiga ubutegetsi muri Canada

Ku mugoroba wo kuri uyu wa Kabiri tariki ya 6 Nzeri 2016 nibwo Miss Kundwa Doriane ahagaruka i Kigali yerekeza muri Canada mu Mujyi wa Québec. Agiye kwiga mu ishami rya Adminitration muri Kaminuza ya Laval University iri i Québec.

Kugeza ubu ba Nyampinga b’u Rwanda uretse uwa 2016, bose baba hanze y’u Rwanda. Miss Rwanda 1993 aba mu Bubiligi n’umugabo we, Bahati Grace watowe muri 2009 aba muri USA, Mutesi Aurore watowe muri 2012 yagiye kwiga muri Turkey[ariko ubu asigaye aba muri USA].

Nyampinga Akiwacu Colombe watowe muri 2014 na we agiye kwiga mu Bufaransa muri Nzeri 2015. Miss Mutoni Balbine wabaye igisonga cya Kane cya Miss Rwanda 2015 aherutse kujya muri Canada gukomeza amasomo. Kundwa Doriane wari usigaye mu Rwanda na we agiye hanze y’igihugu aho azamara imyaka ine.

Miss Kundwa Doriane yavukiye i Nyamirambo kuwa 21 Mata 1995. Ni bucura mu muryango w’abakobwa bane bavukana. Umuryango we utuye mu Karere ka Kicukiro, mu Murenge wa Niboye, Akagari ka Gatare, mu Mudugudu w’Imena.

Yize amashuri abanza muri ESCAF Primary School Rwampala, ayisumbuye ayiga muri Lycée Notre Dame de Cîteaux ayakomereza muri Lycée de Kigali. Yabaye Nyampinga asoje amashuri yisumbuye muri Glory Secondary School mu ishami ry’Imibare, Ubutabire n’Ibinyabuzima.

Mu mashuri yisumbuye yize Imibare, Ubutabire n’Ibinyabuzima

Yiyongereye kuri aba ba Nyampinga baba hanze y’u Rwanda