HARAGIRIMANA Dieudonne
Muri iyi nkuru YEGOB yaguteguriye amwe mu magambo y’ubwenge umusore ashobora kukubwira umukunzi we ,akarushaho kwishima no kugubwa neza.
Umutesi utetana ituze
Ntugatinye naragutoye
Nagutuje ahataba itiku.
Mu mutima utemba ituze
Cyo hature uhatembere !
Ntugashavure naragushimye
Nshaka shenge kugutetesha
Iby’agashiha tukabinesha
Sinanashobora kwihishira
Njye sinabasha kukwitesha !
Kugukunda ntibintonda
Nitondera ibyo udakunda
Ibyaguhanda nkabikurinda
Iby’agahinda nkanabihinda
Ngo ukunde disi ko ngukunda
Humura Uhoraho yaraduhuje
Ntazahwema no kuduhanura
Ngo duhige disi icyaduhuza
No kubahana bihore ahacu
Nanaguhate uduhozo uhage
