HARAGIRIMANA Dieudonne
Umuhanzi Meddy wamenyekanye cyane hano mu Rwanda ndetse no ku isi hose muri rusange kubera indirimbo nyinshi yakoze zigakundwa na benshi ndetse n’ibitaramo bitandukanye yagiye akorera hirya no hino ku isi mu minsi ishize abinyujije ku rukuta rwe rwa Instagram yashyize hanze ifoto ye arimo kurira maze itera benshi kwibaza byinshi no kugira urujijo.
Meddy akimara gushyira iyi foto ku rukuta rwe rwa Instagram, abafana be baherereye hirya no hino ku isi bagiye bayavugaho byinshi bitandukanye gusa abenshi bakomeje kugira urujijo rw’iyi foto bibaza icyaba cyarabaye kuri uyu muhanzi. Nubwo benshi bagize urujijo, umuhanzi Meddy we ashyira hanze iyi foto yayiherekesheje amagambo agira ati: “Sometimes in the wind of change we find our true direction…”. Ugenekereje mu kinyarwanda bishatse kuvuga ngo “Rimwe na rimwe mu muyaga w’impinduka tuboneramo icyerekezo nyacyo”.
