Umuhanzi Rajab Abdul Kahali [Harmonize], yibasiye Diamond Platinumz maze atangaza ko ari we watumye atandukana n’uwari umugore we, Umutaliyanikazi w’umukinnyi wa filime Jacqueline Wolper batandukanye bitewe n’uko yamutendekaga ndetse ko yari afite inyota yo kuryamana na Diamond.

Harmonize akiri kumwe na Jacqueline

Ibi Harmonize yabigarutseho kuri iki Cyumweru tariki 09 Kanama 2020 mu gitaramo gikomeye yakoreye mu Mujyi wa Dodoma muri Tanzania, aho yanavuze ko umukunzi we mushya Sarah Michelotti yitegura kwibaruka.

Uyu muhanzi uri mu bakunzwe yavuze ko yahamije isezerano rye n’uyu mugore we Sarah amaze ukwezi kumwe amuteye inda kandi ko atamukurikiyeho amafaranga nk’uko benshi babyumvise.

Harmonize yavuze ko icyemezo cyo gutandukana na Jacqueline Wolper kitahutiyeho, kuko yabanje gukusanya ibimenyetso byagejeje ku ndunduro y’urukundo rwabonekaga mu maso ya buri umwe.

Ngo icyashyize iherezo ku rukundo rw’abo ni uko Jacqueline yakomeje kugaragaza inyota yo kurara mu buriri bumwe n’umuyobozi wa Label ya WCB, Diamond Platnumz.

Harmonize avuga ko bari mu birori mu nzu ya Diamond, uyu mukobwa Jacqueline yakomeje kugaragaza ko yifuza Diamond ndetse agakora ibimenyetso byagiye bigaragarira buri umwe.

Ngo Jacqueline yabwiye Diamond ko yemeye gukundana na Harmonize, kugira ngo azabone uko amugeraho [Diamond baryamane].

Harmonize kandi yavuze ko atigeze yifuza kuvuga kuri ibi bintu, ariko yagiye ababazwa n’uko Jacqueline agenda avuga ko yarongoye umuterankunga [Sarah].

Ku munsi w’ejo nibwo habaye ibirori byo kwizihiza isabukuru y’imyaka 31 umuhanzi  Meddy amaze avutse. Ni ibirori bikomeye byabereye muri leta zunze ubumwe za Amerika ari naho Meddy abarizwa kuri ubu. Mu mashusho yacicikanye ku mbuga nkoranyambaga zitandukanye agaragaza uko ibi birori byagenze hagaragayemo inkumi nyinshi zari zitabiriye ibi birori. Ni ibirori kandi byitabiriwe n’inshuti za hafi z’umuhanzi Meddy ndetse birumvikana n’umukunzi we, Mimi, yari ahari amuba hafi.

Mu gihe hamaze iminsi hahwihwiswa amakuru ko Miss Pamella Uwicyeza yaba atwite inda ya The Ben, aba bombi bagiye kwirukira ku Kiyaga cya Muhazi aho baraye muri imwe muri Hotel zigikikije.

Ku munsi w’ejo Miss Pamella akaba ariwe watangiye apostinga utu video dutandukanye ari mu modoka agiye gutembera ku kiyaga cya muhazi.

Muri utwo tuvideo akaba yari yakoze uko ashoboye yirinda kwerekana umuntu bari kumwe aho yasoje yinjiye muri Hotel yitwa Vintage Cotage iri ku nkengero z’ikiyaga cya Muhazi, gusa nyuma umuhanzi The Ben akaba yaje kwivamo nk’inopfu aho muri iki gito yaramutse nawe a posting video ari kuri Vintage Cottage Hotel ndetse yambaye na Lunette Miss Pamella yari yagiye yambaye.

Ibi bikaba bigaragaza ko ari nta kabuza Miss Pamella na The Ben bagijyanye kwirira ubuzima muri iyi Hotel.

Umuhanzi Bruce Melodie yamaze kunyomoza amakuru yavugagwa ko yaba yarasinyishije umuhanzi The Ben. Nkuko Bruce Melodie yabitangaje abinyujije ku rukuta rwe rwa twitter yavuze ko atigeze asinyisha umuhanzi The Ben ndetse anaboneraho gusobanurira abantu ko nta label afite ko abahanzi Juno Kizigenza na Kenny Sol abantu benshi bakomeje kugenda bavuga ko baba muri label ya Bruce Melodie ko ataribyo ahubwo ko afite crew yitwa ‘Igitangaza Music’ ko iyo crew ariyo abo bahanzi barimo.

Fake News : Mbere na mbere nta label mfite .@junokizigenza & @kennysolmusic nibo bahanzi bari muri Crew twise #IgitangazaMusic kandi ntabwo ari record label murabizi .( NI NGOMBWA KUBAHA BRAND Z’ABANTU) @TheBen250 ntabwo ari izina ryo kuvuga uko wiboneye man https://t.co/spg2EKCqBY

— Bruce Melodie 🎵 (@BruceMelodie) August 10, 2020

Hano mu Rwanda bisanzwe bimenyerewe ko aba raperi aribo bakunda kwiyemera kuri bagenzi babo bavuga ko aribo bami ba Hiphop mu gihugu, gusa kuri iyi nshuro noneho Umuhanzi The Ben niwe wiyemeye kuri bagenzi be abumvisha ko ariwe urenze muri uru Rwanda.

Muri Post yashyize kuri Story ya Instagram, The Ben akaba yagize ati : ” Ninjye Brand ikomeye mu Rwanda, Ibyo ni ihame nta wubishidikanyaho. Ntimukabone nagabanyije umuvuduko kugirango namwe mwishime… mwarangiza mugakubagana ”

Mu aya magambo The Ben akaba yashatse kumvikanisha ko ariwe uyoboye mu Rwanda, ko nubwo muri iyi minsi hari abamurusha Hit aruko yagabanije umuvuduko ngo nabo bagaragare.

The Ben akaba yakoze ibi mu rwego rwo kunyomoza amakuru y’ibihuha yavuzwe ko yasinye muri Label ya Bruce Melody.