Jimmy Mulisa ni we mutoza mushya w’Amavubi

Mulisa Jimmy usanzwe ari umutoza wungrirje mu ikipe y’igihugu Amavubi ubu yagizwe umutoza mukuru wayo asimbura McKinstry wirukanywe.

Umunyamabanga uhoraho muri Minisiteri y’umuco na Siporo Lit Col Rugambwa Patrice yabwiye the NewTimes ko Mulisa ari we ugiye kuba afite ikipe y’igihugu by’agateganyo akaba ari na we uzakina umukino u Rwanda rufitanye na Ghana tariki ya 3 Nzeli 2016.

Jimmy Mulisa  yirinze guhakana iby’uko yagizwe umutoza w’Amavubi ariko avuga ko ntawe urabimubwira bityo ko nta makuru abifiteho.

Jimmy Mulisa ariko yaniteguraga kujya kwiga mu Budage ngo akorere Licence A ya UEFA, akaba agitegereje igisubizo cya nyuma kuko yamaze gutanga umwirondoro we (CV) bakamusaba kwishakira bumwe mu bufasha burimo na tike gusa ngo yabicishije muri Minsiteri kuri ubu ngo ategereje igisubizo.

Mulisa Jimmy ni umwe mu bakinnyi bajyanye u Rwanda mu gikombe cya Afurika mu mwaka wa 2004.

Report

Shyiraho igitekerezo

What do you think?

146 Points
Upvote Downvote

Mu mafoto utazi ,dore ibihe byiza byaranze McKinstry mu ikipe y’igihugu Amavubi

Brazil : Basambaniye inyuma y’umunyamakuru wa BBC atabizi (amafoto)