Jijuka : Ese ubutinganyi muntu abukomora hehe ?

Hashingiwe ku nyigo zakozwe n’abahanga mu bijyajyanye n’ubuzima bw’umuntuku ndetse no ku mibanire y’abantu n’abandi, nta gushidikanya ko ubutinganyi(Homosexualite) burushaho kwiyongera mu bihugu bitandukanye byo ku isi. Kugeza ubu hibazwa niba uyu muco wokuryamana kw’abahuje ibitsina ari uwo umuntu avukana cyangwa niba wigwa.

Abashakashatsi batandukanye bagerageje gushaka inkomoko ku mahitamo ya muntu ku bijyanye n’imibonano mpuzabitsina, amarangamutima mu guhitamo uwo muhuje cyangwa mudahuje igitsina, n’uruhare imiterere karemano y’umuntu bigiramo, hari igisubizo abo bashakashatsi baje guhurizaho nkuko tubikesha urubuga rwaDoctissimo.fr.

Nkuko byatangajwe n’abakoze ubwo bushakashatsi, ngo mu bihugu hafi ya byose byo ku isi, ubutinganyi urabuhasanga. Hari ibihugu usanga bwiganje cyane ku buryo na Leta z’ibihugu bimwe na bimwe ndetse harimo n’ibikomeye, umuntu afite uburenganzira bwo kubana n’uwo bahuje igitsina.

Mu mwaka w’ 1993, itsinda ry’abaganga ryari riyobobwe na Dean Hamer, bamurit
se ibimenyetso byerekana ko imyitwarire y’ubutinganyi ari karemano. Ibi babigaragarije ku itandukaniro rigaragara hagati y’ikiganza cy’umutinganyi n’utari umutinganyi.

Bavugaga ko uburyo ikiganza cy’umuntu gikoze, bigira aho bihurira n’amahitamo umuntu agira ku bijyanye n’imibonano mpuza bitsina. Aha batanze urugero rw’ikiganza cy’umugabo ngo ubusanzwe urutoki rwa Mukubitarukoko ruba ari rugufi cyane ku rutoki rwa Musumbazose. Mu gihe rero ngo umukobwa afite ikiganza kimeze gutyo, akenshi aba umutinganyi.

Aba baganga kimwe n’abandi batandukanye bakomje kugaragaza ko kugira amahitamo ku bijyanye n’igitsina ari ibintu karemano atari ibintu umuntu yiga, hakaba hari n’ababyise ubumuga karemano.

Ku rundi ruhande ariko hari abandi bagaragaje ko imyitwarire ya gitinganyi, ahanini iterwa n’aho umuntu aba, cyane cyane iyo atabona uko ahura n’abo badahuje igitsina. Aho ni nko muri gereza, mu mashuri amwe n’amwe, mu gisirikare ndetse n’ahandi. Bishobora guterwa kandi n’abantu umuntu agendana nabo kenshi cyangwa inshuti, nkuko abo baganga bakomeza babitangaza.

Kugeza magingo aya, mu nyigo zose zakozwe ntiharemeza mu by’ukuri niba koko niba kuba umutinganyi ari ibyo umuntu avukana cyangwa niba ari umuco yiga.

Comments

0 comments