in ,

Iyumvire amagambo akomeye Florentino Perez yatangaje ku igenda rya Cristiano Ronaldo (isomere)

Nyuma y’igihe havugwa ko Cr7 agiye kuva muri Real Madrid, Perezida w’iyi kipe Florentino Perez yagize icyo atangaza ku igenda rye, yemeza ko kuri we byamutunguye kuko ataherukaga kuvugana na Cr7 gusa yongeraho ko hari ikigomba gukorwa.

Nk’uko tubikesha Metro, ngo Perez ubwo yabazwaga icyo atekereza ku kuba unukinnyi w’igihangange nka Cristiano agiye kuva mu Real, yavuze ko ntaho agomba kujya kuko aracyari muri Real Madrid, ndetse ngo nka perezida we ntacyo bari bavugana, yagize ati:”Cristiano aracyafite amasezerano kandi aracyari umukinnyi wa Real Madrid, sindavugana na we gusa bambwiye ko yafashwe nabi muri iki gihugu, byose nagiye mbyumva mu binyamakuru.” Perez yongeyeho ko afite kureba icyakorwa kuko ngo yizera umusore we kuko ngo ni umuntu mwiza ntazamunaniza yagize ati:“Kumva ko Cr7 aregwa ibyaha bijyanye n’imisoro biratangaje, ariko Cristiano ni umuntu mwiza nzavugana na we turebe icyo twakora, gusa buri wese agomba gutanga umusoro nk’uko abisabwa na we azi uko azibyifatamo. Igihe cyose nzakomeza gushyigikira Ronaldo nk’umukinnyi mwiza ndetse nk’umuntu mwiza ntabwo yarakaye kubera imisoro aregwa ahubwo ni uburyo yandagajwe mu bitangazamakuru, tuzabikemura”.

Perez yatangajwe n’uko Cr7 ashaka kugenda.

Perez  avuze ibi nyuma y’uko ku munsi w’ejo Perezida wa La Liga na we yatangaje ko Cr7 ari umwere ku byo aregwa ndetse ko ikipe ya Real Madrid iramutse imubuze byaba ari igihombo gikomeye kuko ngo ni umukinnyi w’akataraboneka.

Written by Jean

Shyiraho igitekerezo

Isomere amagambo yuzuye imitoma Tom Close yabwiye umugore we barimo kwiyibutsa ibihe byabo bya kera

Ibyiza bya TOASTMASTERS mu muryango w’Afurika y’iburasirazuba