Isomere ikimenyetso simusiga cyahishuwe cyerekana ko Neymar bidasubirwaho agiye kuva muri FC Barcelone

Nyuma y’iminsi itari mike amakuru avugwa cyane ko Neymar Jr nyuma y’imyaka 4 amaze mw’ikipe ya FC Barcelone,yaba agiye kwerekeza muya Paris Saint Germain aho bivugwa ko yaba ashaka kuva mu kwaha kwa Lionel Messi ndetse akanakwepa ubushinjacyaha bwo muri iki gihugu cya Espanye.

Neymar na Se bari bafitanye ibibazo n’urukiko rwo muri Bresil aho bashinjwe kunyereza umutungo ungana na miliyoni 13 z’amayero baza gucibwa ihazahabu rya miliyoni 40 zose hamwe kubera uwo musoro banyereje hagati ya 2011 na 2013,Neymar agikina muri Bresil.

Amakuru ava muri Bresil nuko aba bagabo bombi bagizwe abere n’urwo rukiko ku buryo butunguranye cyane.Andi makuru atangazwa na Lequipe nuko se wa Neymar uri na agent we,yaba yaremerewe miliyoni 40 z’amayero n’ikipe ya PSG mu gihe umwana we yaba asinye muri iyi kipe.

Ibinyamakuru byinshi bikaba byahuje iyo hazabu n’ayo mafaranga Se wa Neymar yemerewe na PSG bikemeza nta gushidikanya ko uyu musore yaba ari hafi cyane n’iyi kipe.Neymar akaba afitanye ikiganiro n’itangazamakuru bitarenze ejo aho amakipe yombi ariyo PSG na Barca bimushyiraho igitutu ngo avuge kuri ejo hazaza he.