Isomere ibintu bitangaje cyane byo gutetesha ikipe ya FC Barcelone yiteguye gukora ngo igumane Neymar Jr

Uko iminsi iba myinshi ibitangazamakuru byemeza ko umusore Neymar Jr yava muri FC Barcelone akerekeza muri Paris Saint Germain,niko abakunzi ba Barca bagenda bemera koko ko hari amahirwe y’uko babura umusore w’imyaka 25 benshi bafata nk’ejo hazaza ha ruhago.

Ikipe ya FC Barcelone nayo niko igenda yumva ko iyi kipe yo mu Bufaransa yabona koko miliyoni 222 z’amayero zisabwa ngo uyu musore arangizanye amasezerano afitanye na Barca,akaba ariyo mpamvu yiteguye gukora ibishoboka byose ngo uyu musore bamugumane.

Icyo Neymar yaba akurikiye cyane i Paris,ni abenegihugu bahakina harimo inshuti ye magara Dani Alves,Thiago Silva,Lucas Moura,Maxwell ndetse na Marquinhos.Ikipe ya FC Barcelone ikaba yiteguye nayo kwibikaho abasore 2 bakomoka muri Bresil kandi bose b’inshuti magara ba Neymar harimo Paulinho w’imyaka 28 ukina hagati mw’ikipe ya Guanghzou Evergrande yo mu Bushinwa we warangije kwemera ko yakwishimira kuza ndetse na Philippe Coutinho ukinira ikipe ya Liverpool we bigoranye cyane kuko Barca yashyizeho Miliyoni 80 z’amapound nyamara ikipe ya Liverpool ikazanga.