Irebere tattoo nshya ya Lionel Messi yabaye ikintu kiri kuvugwa cyane k’isi benshi bamufashe nk’uwashize isoni burundu

Nyuma y’itsinzi ya FC Barcelone mur derby yabahuzaga na Espanyol barcelone ku wa gatandatu,wabaye umukino wa 3 wikurikiranya batsinze muri La Liga aho ari aba mbere bidasubirwaho barusha amanota 4 yose Real Madrid,yaje gushyira ifoto ku rubuga rwa facebook yaje kuvugisha abantu benshi cyane.

Icyavugishije abantu kikanabatungura cyane ni tattoo nshya yagaragaye ahagana mu rukenyerero he,isa nk’iminwa y’umugore ishushanya ahanini kiss cyangwa se bisou y’umugore wisize ibintu ku munwa.Ni tattoo yatumye benshi bibaza cyane kuri uyu mugabo w’imyaka 30 mu myaka 3 ishize wari ufite tattoo imwe rukumbi ya nyina umubyara mu mugongo.

Iyi tattoo ariko akaba yarayishyizeho nyuma yo gukora ubukwe mu kwezi kwa 7,kuko ari bwo yatangiye kugaragara ayifite.