Irebere inzu igezweho muri Kigali yo kwidagaduriramo bise ‘Ambassador’s Park

Nyuma ya benshi bari bategereje inzu yo kwidagaduriramo mu mujyi wa Kigali yujuje ibyangombwa by’ingenzi, kuri ubu iyi nzu yamaze kuboneka ndetse ikaba yaramuritswe mu mpera z’iki cyumweru. Ni inzu yitwa ‘Ambassador’s Park’ iherereye i Gikondo mu mujyi wa Kigali.

Kuri uyu wa gatanu tariki 8 Nyakanga 2016 nibwo hafunguwe ku mugaragaro inzu yo kwidagaduriramo no kuruhuka yaritegerejwe ‘nabatari bacye mu mujyi wa Kigali yitwa Ambassador’s Park iherereye i Gikondo imbere ya Eglise Methodiste mu muhango witabiriwe n’abantu batandukanye.

Ni inzu irimo Club and Pub ndetse na sawuna na massage ndetse na hotel ifite ibyumba byo gucumbikamo tutibagiwe na studio ikora umuziki mu buryo bw’amajwi n’amashusho  ikaba irangajwe na parking nini ari nayo yateye benshi amatsiko yo kuhinjira.

Hafunguwe kandi Night club igezweho uwo muhango ukaba witabiriwe n’abayobozi batandukanye  barimo umuyobozi w’umurenge wa Gikondo, n’uwa Kigarama ndetse n’ abayobozi ba Bralirwa hamwe na Skol bose bari babukereye dore ko hari Live Band abantu bakaba babyinye kugeza mu masaha akuze y’ijoro bagakomereza muri night club barakesha.

Nyiri Ambassador’s Park ni uwo wambaye umupira utukura

Iyi nyubako ikaba ari iy’umushoramari  Nzatunga EMMANUEL  nyiri Ambassador’s PARK wasezeranyije abantu ko ntacyo bazabura muri ambassador’s park kuko yayishyiriyeho ngo buri wese wifuza kuruhuka abe yasohokera muri iyo nyubakona cyane ko hari ibyo wakwifuza byose igihe wasohotse kuko uzabihasanga.

Comments

0 comments