Imyaka itatu irashize ku itariki nk’iyi (26) inkuru mbi itashye mu bakunzi ba Basketball

Hari mu gitondo ku isaha ya saa yine ,zo muri Leta Zunze Ubumwe za America , muri Leta ya California mu gace ka Calabasas ,ku itariki 26 Mutarama ,mu mwaka wa 2020 ubwo umunyabigwi mu mikino y’intoki (Basketball) Kobe Bryant yakoraga impanuka ya kajugujugu arikumwe n’abandi bantu bane barimo n’umukobwa we w’imyaka 13 Gianni Maria Onore bagahita bahasiga ubuzima.

Kuri iyi tariki ya 26 Mutarama 2023 turabara imyaka 3 ishize abakunzi ba Basketball ,by’umwihariko ikipe ya  Los Angeles Lakers uyu munyabigwi yakiniye imyaka 20 yose  bumvise inkuru mbi mu matwi yabo .

Ni inkuru yashenguye benshi ariko birushaho kubabaza benshi ubwo bumvaga ko uyu munyabigwi yapfuye arikumwe n’umukobwa we w’imyaka 13 Gianni Maria Onore.

Kobe Bryant yitabye Imana afite imyaka 41 , yasezeye gukina imikino ya Basketball mu mwaka wa 2016 ,afite ibikombe bitanu bya NBA .