Imodoka yari itwaye umuceli yaguye mu baturage ihitana abantu 2

Mu gitondo cyo kuri iki cyumweru tariki 8 Mutarama 2023 , nibwo imodoka yari itwaye umuceli yerekeza muri Tanzania yakoze impanuka ikomeye ikagwa mu baturage abantu babiri bagahita bitaba Imana.

Amakuru avuga ko iyi mpanuka yabereye ahitwa Rusahunga ,mu birometero 93 uvuye ku mupaka wa Rusumo ujya Tanzania, ni ahantu hari ikorosi bivugwa ko ari ribi umaze guterera Rusahunga werekeza Rusumo.

Uyu mushoferi wari utwaye iy’ikamyo bivugwa ko yari afite umuvuduko aza gushaka guca ku munyarwanda witwa Ingabire D’amour wari utwaye imodoka nawe ,icyakora mukumucaho bihurirana nuko yari ageze muri iryo korosi bituma imodoka ye ita umuhanda igwa mu baturage.

Umushoferi ndetse n’umutandiboyi we barikumwe bose bahise bitaba Imana , cyane ko imodoka yagwishije kabine , uretse rero kuba hitabye Imana abantu babiri ,iyi modoka yanangije ibihingwa birimo ibigori by’abaturage .