HARAGIRIMANA Dieudonne
Nyuma y’insinzwi isebetse ikipe ya Juventus yagiriye i Cardiff y’ibitego 4-1 yatsinzwe na Real Madrid ku mukino wa Uefa Champions League, byari byitezwe ko ikipe ya Real Madrid ariyo igomba gutwara amafaranga menshi nk’ikipe yatwaye igikombe gusa kuri ubu icyegeranyo cyakozwe n’igitangazamakuru Calcio e finanza, kiragaragaza ko ikipe ya Juventus yahawe Miliyoni 109 z’amayero na Uefa, maze Real Madrid igahabwa Miliyoni 81z’amayero. Bivuze ko iyi kipe yo mu butaliyani izarusha amafaranga asaga Miliyoni 28 zose ikipe ya Real Madrid.
Uti byagenze bite, Nkuko iki kinyamakuru kibisobanura kiragira kiti:” Uefa ikoresha uburyo bw’imibarire y’amafaranga izaha amakipe buri mwaka ku makipe yitwaye neza muma champiyona yayo, igendeye kuri saison ebyiri, yaba iyabanje bivuze nk’2015/2016, ndetse n’irangiye bivuze 2016/2017. Iyi mibare ya Uefa kandi igerendera ku bwitabire bw’amakipe muri Uefa champions League bwa champiyona iyo kipe iherereyemo. Mu mwaka ushize Real Madrid yasoje ari iya kabiri muri Champiyona ya Espagne mu gihe Juventus yatwaye igikombe, iki ni kimwe mu byongereye amafaranga ya Juventus yuyu mwaka, iki nicyo cyatumye Real Madrid ibona uburenganzira ku ma Televiziyo bungana na 29.44%, mu gihe Juventus yabonye ubungana na 53.26%. Ubu burenganzira bw’amateleviziyo nibwo bwashyizemo ikinyuranyo cya Miliyoni 28 ku mafaranga Juventus yahawe nayo Real Madrid yahawe.” Iby’uyu mwaka nta kinini byateje bitewe nuko aya makipe yombi yatwaye ibikombe bya Champiyona aherereyemo.
Dore urutonde rw’iki kinyamakuru Calcio nukuntu amakipe akurikirana mu kubona amafaranga menshi
