Connect with us

urukundo

Ibintu 10 by’ingenzi byagufasha kubona umukunzi mwiza kandi mukarambana

Published

on

Advertisements
Ibaze ubonye inama imwe yagufasha kumenya uburyo wabona umukunzi wifuza. bikaba akarusho ubonye inama icumi zagufaha kubona umukunzi mwiza w’umunyabwenge kandi mukazarambana.
Ntibyagushimisha?
 
 
Uyu munsi wabyukanye amahirwe, humura tuza kuko icyo wifuzaga Tantine yakuzaniye, amakuru yizewe kandi ku buntu.
 
Hano twazanye uburyo 10 bwagufasha kubona umukunzi mwiza?
 
1. Genda kuri nyirubwite
 
Ngendeye ku kinyamakuru Men’s Fitness, kivuga ko niba wifuza guhura n’umukobwa wifuza ugomba kujya aho wifuza ko yaba ari. Icara utekereze umukobwa wifuza uko yaba ameze. Wikibanda cyane ku bwiza bw’inyuma. icy’ingenzi hano ni uwo ari we.
 
Hanyuma yo kumara gutekereza uwo ushaka, tekereza icyo ashobora kuba akora n’aho ashobora kuba akunda kuba. Yaba akunda gusenga? Ese yaba akunda gusohoka n’inshuti ze muri weekend, cyangwa mu maguriro cyane cyane y’imyenda, ku mazi, mu tubyiniro n’ahandi.
 
Rero jya hamwe muri aho wagiye uvuga hejuru, ugerageze wirekure ufunguke,wegere umukobwa ubona wakunze muri abo gusa ugenzure ko witwara nk’umuhungu umukobwa yakishimira kuvugisha.
 
2. Wikihutira guhitamo umukunzi utarabanza kugenzura imitwarire ye
 
Iyo ushaka kureba umukunzi w’ukuri kandi w’umunyabwenge, ntugahure n’umukowa rimwe ngo uhite wanzura. Ahubwo ibyiza mugenzure neza. Urebe inshuti ze, urebe uko yitwara mu kibazo, urebe niba koko uko agaragara inyuma ariko ari imbere. Irinde kumwereka ko ari we mukobwa wimariyemo igihe ari bwo ukimubona. Rimwe na rimwe biba byiza kubanza ukagerageza n’abandi niba koko utamwizeye. ARIKO NTAGO ARI ITEGEKO.
 
3. Rema ubushuti hamwe n’abandi bakobwa
 
Biramenyerewe kumva umuhungu nta kintu na kimwe azi ku bakobwa. Igisubizo kuri iki rero ni uko ufata umwanya wo kwiga ku bakobwa ukabamenya bihagije.
 
Ku makuru dukesha ikinyamakuru tomorrow-web.com. Avuga ko buryo bwiza bwo kumenya abakobwa atari ugusoma ibitabo bivuga uko abakobwa bateye cyangwa gusura imbuga nyinshi ahubwo ari ukurema ubushuti n’abandi bakobwa.
 
N’ubwo buri mukobwa wese afite umwihariko we, ariko iyo ufashe umwanya wagennye ukabana nabo, ugira ishusho rusange y’ibyo bakunda cyangwa badakunda. Bizakorohera kubona amakuru yizewe kurusha kujya ku mbuga za interineti cyangwa mu bitabo. Iyo ushaka kwiga imodoka wegera abazikoresha.
 
Niba ushaka kumenya abakobwa jya aho bari.
 
4. Ishimire ko uba wenyine
 
Nta mukunzi wakishimira kumva ko uri kumwe nawe kuko utinya kuba wenyine. Kandi nawe ubwawe ntago wumva ari ishema kumva usabye umuntu ko mukundana kugira ngo utaba wenyine.
 
Intambwe ya mbere yo kubasha kubaho wenyine ni ukubanza ukikunda. Ugomba kwiremamo icyizere kugeza aho wumva utagitewe ubwoba no kuba wenyine. Ikunde kandi wumve wigize no mu gihe uri wenyine(nta mukunzi ufite.) gusa na none ube wa muntu ufungukiye ko undi muntu ashobora kuza mu buzima bwawe. Abakobwa bakunda abantu nkabo, bizanakorohera kubona uwo ushaka.
 
5. Iyiteho
 
Icyirenze kwiyitaho mu bitekerezo, ugomba no kwita ku ko ugaragara inyuma kandi ukagaragaza isura nziza aho uri hose. Imwe mu mpamvu abakobwa bashobora kubenga umuhungu hari kutiyitaho inyuma.
 
Ntago bivuze niba utari wa muhungu mwiza cyane, nta mahirwe ufite yo gukundwa. Ahubwo bivuze ko ugomba kwita ku isuku y’inzara, umusatsi, kwambara imyenda igukwiriye neza n’isuku y’ibyo wambara. Mu bitekerezo by’abakobwa yumva ko niba udashobora kwiyitaho utazashobora kwita ku bandi
Iyo witaye ku ko ugaragara n’ubuzima bwawe, biguha icyizere ndetse n’abakobwa bihita bibakurura ntacyo uvuze.
 
6. Mwiteho uko bishoboka
Umaze kubona umukunzi , gerageza kutamwitaho niba ufite intego yo kutagumana nawe igihe kinini. Ariko niba wifuza ko muzarambana, ugomba kumwizera, ukabona ibyiza byose agira, akanafungukira kumuha ibintu akunda.
 
Niba utangiye gutereta umukobwa, gerageza ibishoboka umenye ibyo akunda, ibyo adakunda, indoto ze, intumbero ye kandi ufunguke nawe umubwire uwo uri we.
 
Ni amahirwe iyo usanze ibyinshi mubihuza. Ariko iyo mudahuza mwiga uburyo bw koroherana. Ikindi kandi iyo umukobwa abonye ibi atangira kugufata nk’umuntu ukomeje utari kumukinisha.
 
7. Ntukigire uwo utari we
 
Ntukabikore, mbisubiyemo ntukabikore. Abakobwa bashobora kuvumbura umuntu ubabeshya mu buryo igihumbi. Kwereka umukobwa uwo uri we by’ukuri bifite agaciro kangana no kumva umukunze.
Nugerageza kugaragara nk’uko utari uba wiyiba amahirwe yo guhura n’umukunzi wawe by’ukuri.
 
8. Vuga ndetse witware nk’umugabo
Kuri On EliteDaily.com, Eddy Baller umutoza ku bijyanye n’imibanire yatanze uburyo bwagufasha kuramba mu rukundo. Bumwe muri bwo aragira ati:” kugira ngo ukundwe n’umukobwa kandi muzarambane, ugomba kuvuga kandi ukitwara nk’umuntu mukuru usobanutse.
 
Vuga mu ijwi ryumvikanisha ko wiyubashye gusa nanone rituje kandi ryoroheje. Mwegere wifitiye icyizere gusa wibuke kumwubaha. Wirinde kumuhata cyangwa kumwiyemereho kugira ngo akwemere.
 
Niba utangiye kumuvugisha, gusha ku ntego utamuhata kandi wibuke kumwubaha. Tega amatwi ibyo akubwira, mubaze ibibazo bikwiye ndetse muse nkaho muganira aho kugira ngo umwe yiharire ijambo. Ibanga hano ni ukumwumva, kumwitaho kandi ukamwubaha.
 
9. Zirikana umutekano we. Tuma yumva atekanye
Kuva kera, abantu bazi ko abagabo bakomeye kandi bagira ubushobozi bwo kurinda abagore. Mu gihe bishoboka, gererageza gutuma umukunzi wawe yumva arinzwe igihe muri kumwe. Niyo waba ukiri kurambagiza, geregeza wuve ko kumva atuje kandi arinzwe ari inshingano yawe ya mbere.
 
Mubuze kujya ahantu ubona utizeye niba udahari ngo umuherekeze. Cyangwa umubaze buri munsi uko yiriwe. Ibi bizatuma akuremera umwanya muri we ndetse n’icyizere.
10. Itonde
Imwe mu mpamvu abakobwa babengana harimo: kubwira nabi umukozi, kwigendera mu gihe ari kuvuga, kwikunda, guhora ushaka kuba ri wowe uvuga ijambo rya nyuma, kutita ku nzenya zabo, ikitagomba kujyamo mu byo mugura, abakobwa banga umuntu utabumva ngo abahe umwanya.
 
Kugira ngo wumvishe umukobwa ko uri umuhungu mwiza, gerageza kuba umwana mwiza imbere ye, ite ku kumva ibyifuzo bye no kumufasha, kuba umukunzi usabana, kwita ku nshuti ze, kubaha abandi, ukaba usanzwe uri n’umuntu ugira umutima mwiza muri sosiyete.
SRC: TANTINE.RW
Advertisements
Advertisements
Continue Reading
Advertisement [speaker]
Comments

Hit Music Only!

Advertisement
Advertisement
Advertisement

Copyright © 2020 YEGOB

Advertisements
%d bloggers like this:
Ntucikwe    Ok No thanks