Connect with us

Ibintu 10 byagufasha kwigirira ikizere igihe uvuga imbere y’abantu

Featured

Ibintu 10 byagufasha kwigirira ikizere igihe uvuga imbere y’abantu

Ushobora kuba ari inshuro ya mbere ugiye guhagarara imbere y’abantu ngo ugire icyo uvuga cyangwa ukaba usanzwe ubikora ariko ukumva ufite igihunga n’ukubonye wese agahita abibona, dore bimwe mu byagufasha kurwanya igihunga n’ubwoba maze ukigirira ikizere kurushaho:

1. Banza wibaze impamvu iri kugutera ubwoba: Ese umuyobozi wanjye arabyumva ate? Ese abo mbwira barambona bate?… ibi ni ibibazo umuntu aba yibaza bikamutera kumva adatekanye, nawe rero banza umenye neza icyaba kiri kugutera ubwoba, burya ngo “Ibuye ryagaragaye ntiriba rikishe isuka!” Numara kukimenya niba ari igikosoka gikosore cyangwa se wishyiremo ko ibyo ugiye kuvuga biri bugende neza maze utuze.

2.Subiramo ibyo uri buvuge mbere yo kujya imbere y’abantu: Nubwo ibi ari ibintu bishobora kugora umuntu ugira akazi kenshi ndetse akagira n’umwanya mucye, ariko burya biba byiza iyo wiherereye mbere y’uko ujya imbere y’abantu ukabanza ugasubiramo neza uko uri bubivuge, ushaka wabikora wifata amashusho cyangwa se wireba mu ndorerwamo. Ibi bizagufasha gukosora aho bitagenda neza ndetse bizatuma nujya imbere y’abantu umera nk’usanzwe ubimenyereye.

3. Gerageza kugera aho uri buvugire hakiri kare: Ibi nabyo bizagufasha kumva wifitiye ikizere, itegure kare uhagere, ugire n’igihe cyo kumva wisanzuye kandi uhamenyereye. Kuza wakererewe cyangwa hageze ko uvuga nabyo byongera igihunga.

4.Gerageza gusuhuza no kuvugisha abantu batandukanye: Ni byiza ko niba ugiye kugira icyo uvugira imbere y’abantu ubanza kuba nibura wabiyegereje, ubazi kandi ubasobanukiwe. Niyo bwaba ari ubwa mbere muhuye ushobora nibura kubasuhuza mbere y’uko ubajya imbere cyangwa se niba ari itsinda runaka ukabanza ugashaka amakuru ahagije kubo ari bo, kugirango bikorohere kuvugana n’abo uzi.

5. Mwenyura: Kumwenyura ni kimwe mu bintu bigabanya stress kandi bishobora gutuma abakureba nabo bakwishimira bikaba byatuma ugira umutima utuje noneho ukavuga nta gihunga.

6. Jya ukunda gukora imyitozo ngororamubiri: Gukora siporo ni bimwe mu bituma umubiri uruhuka, bituma umutima utera neza kandi ibi bikagira uruhare mu kuba umubiri ubasha kwirwanyamo ubwoba n’umutima ugatera neza kuburyo utagira igihunga ngo abantu bose babibone.

7. Nywa amazi: Akenshi kuba wumva ufite ubwoba n’igihunga bituma mu muhogo huma, bikakubangamira igihe uvuga, rero ni byiza ko unywa amazi ahagije mbere yo kuvuga cyangwa se ukanayitwaza ugiye kuvuga,. Iyo uyanyoye wumva usa n’utuje.

8. Wigire ku bandi babikora neza: Ushobora gukoresha imbuga nkoranyambaga (Social media) cyangwa se ukitabira ibiganiro mbwirwaruhame kugira ngo urkurikirane uko abandi babigenza, umenye guhitamo abo ufatiraho urugero maze ubigireho.

9. Uhore witeguye kwakira ibyo bagukosoye: Ujye wirinda gusubiramo amakosa wakoze ubushize, kuko wumva biguteye isoni bikaba byakubangamira mu gihe uri kuvuga imbere, ahubwo icyo bagukosoye ujye uhita ukora ibishoboka ugikore neza ubutaha bizatuma wumva ufite ishema.

10. Menya kurasa ku ntego: Ni byiza gukoresha amagambo make ariko asobanura neza ibyo ushaka kuvuga. Mu gihe utegura ibyo uri buvuge bisubiremo kenshi, ukuremo amagambo wumva adafite icyo avuze cyane bizatuma utarambirana cyangwa ngo utandukire.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Meddy ft Nish – Downtown

By July 17, 2019

indirimbo

Izina Ryanjye by Christopher

By July 17, 2019

indirimbo

Ni Forever by Kamichi

By July 5, 2019

indirimbo

Abana babi by Danny Vumbi

By July 5, 2019

Facebook

To Top