Connect with us

Utuntu n'utundi

Ibidasanzwe kuri iPhone ihendutse kurusha izindi yashyizwe hanze n’uruganda rwa Apple

Published

on

Nyuma y’imyaka myinshi uruganda rukora telefoni rwa Apple rushyira ku isoko izifite ibiciro bihanitse, rwasohoye iPhone ihendutse hagamijwe kurushaho korohereza no kwiyegereza abakiliya.

Mu kiganiro cyabaye kuri uyu wa Gatatu mu buryo bw’ikoranabuhanga bumaze kumenyerwa kubera icyorezo cya Coronavirus, Apple yamuritse iPhone nshya zo mu bwoko bwa iPhone SE, zisimbura izindi z’ubwo bwoko zashyizwe ku isoko mu 2016.

Iyi iPhone SE igurishwa guhera ku $399, amafaranga make cyane ugereranyije na iPhone 11 igurwa guhera ku giciro cy’ibanze cya $699 na iPhone 11 Pro Max igurwa ku giciro gihera ku $1099.

Iyi telefoni ariko ni nto ugereranyije na iPhone tumenyereye nka iPhone 11, ariko yubakiye kuri porogaramu ituma yihutisha ibyo uyisabye nk’iri muri 11 Pro. Ifite ikirahuri cya Retina HD, amashusho ya 4K ndetse ifite ahantu ukanda ushaka kuyikoresha (home button), hafite ubushobozi bwo gusoma igikumwe.

IPhone SE iri mu mabara atandukanye arimo umweru, umukara n’umutuku, aho abazikeneye bazatangira kuzigura mu buryo bw’ikoranabuhanga ku wa Gatanu, bakazatangira kuzohererezwa guhera ku wa 24 Mata.

Iki giciro cyafashwe n’igishobora gutuma abantu benshi birukankira gutunga iPhone muri Leta Zunze Ubumwe za Amerika no mu mahanga, bityo uruganda ruzikora rukabasha guhangana n’izindi zirimo gusohora telefoni zikoresha Android nka Google na Samsung, zisanganwe telefoni zihendutse ugereranyije na iPhone.

Ubwo Iphone SE za mbere zashyirwaga ku isoko mu myaka ine ishize nabwo zagurishijwe $ 399, mu gihe ubushakashatsi bwakozwe n’ikigo IDC bwerekanye ko icyo gihe zari zihariye 10% bwa telefoni zose za Apple zacurujwe muri uwo mwaka.

Gushyira ku isoko iPhone ihendutse bimaze imyaka bihwihwiswa ku buryo bishobora kuba bibereye igihe, kuko ubukungu butifashe neza ndetse abakozi benshi bahagaritse akazi, nubwo nabyo bishobora kuba indi mbogamizi ku isoko.

Muri Gashyantare uyu mwaka Apple yagurishije mu Bushinwa iPhone zitarenga 500.000, kandi ari rimwe mu masoko yayo akomeye, igipimo cyagabanutse hejuru ya 60% ugereranyije n’ukwezi nk’uko mu mwaka ushize nk’uko CNN yabitangaje.

Icyorezo cya Coronavirus gishobora kugira ingaruka zikomeye ku bicuruzwa bya Apple muri uyu mwaka, mu gihe byavugwaga ko ishaka gushyira ku isoko ibyiciro bine bya iPhone 12, HomePod nshya n’utwumvisho dufata inyuma y’amatwi (over-the-ear headphones).

Abasesenguzi banavuga ko bishobora kuzadindiza ishyirwa ku isoko rya iPhone ikoresha 5G, kugeza igihe abantu bazagera mu bihe byo kongera gukorera amafaranga nta nkomyi.

iPhone SE 2020 yashyizwe hanze aho izaba irimo kugura $399

SRC: IGIHE

Leave your vote

Comments

0 comments

Advertisement
Click to comment

Shyiraho igitekerezo

Izikunzwe

Advertisement
Advertisement

Inkuru z'umunsi

Log In

Forgot password?

Don't have an account? Register

Forgot password?

Enter your account data and we will send you a link to reset your password.

This site is protected by reCAPTCHA and the Google Privacy Policy and Terms of Service apply.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

error: Content is protected !!