Connect with us

YEGOB|Entertainment News

Hari uburyo wamenya ko umwana atari uwawe, ugaca ukubiri no kubana ingingimira

inkoranabuhanga

Hari uburyo wamenya ko umwana atari uwawe, ugaca ukubiri no kubana ingingimira

Munyaneza Alexis (si izina rye) amaze imyaka irenga 15 akeka ko umwana wa kabiri mu muryango we yaba atari uwe, kuko ubwo umugore we yari amaze kumubyara yamenye ko yamucaga inyuma.

N’ubwo nta gihamya afite, Munyaneza ngo abona umwana badasa, ndetse kuva icyo gihe yumvise nta rukundo rwa kibyeyi amufitiye nk’umwana we.

Uyu mugabo avuga ko n’ubwo agerageza kwihishira akereka umwana ko amukunze, ngo atekereza ko umwana na we amaze kubona ko atamwishimira cyane nk’abandi bana.

“Nabajije umugore wanjye niba koko ndi se w’uwo mwana arabinyemeza, ariko njyewe mu mutima wanjye nagumanye ingingimira.”

Munyaneza avuga ko nta kindi yigeze akora ngo amenye niba uwo mwana ari uwe. Ngo amaze imyaka irenga 15 agerageza kumwakira nk’uwe ariko byaranze.

“Nigeze numva ko hari ibizamini bikorwa n’abaganga bikagaragaza niba umwana ari uwawe, ariko muri iyi myaka yose sinasobanukiwe uburyo bikorwa, cyangwa ngo menye aho bikorerwa mu Rwanda.”

Test d’ADN, ni ibizamini bikorwa na laboratwari zifite ibikoresho byabugenewe, hagamijwe kumenya niba umugabo ari se w’umwana, niba umuntu ari umuvandimwe n’ibindi bigaragaza amasano y’abantu ya hafi.

Mu Rwanda, haboneka gusa laboratwari imwe ipima ibizamini bya ADN na yo irigenga, nta laboratwari ya Leta ipima bene ibi bizamini.

Rafiki Murindwa ushinzwe imenyekanisha muri Lancet, Laboratwari iherereye ahazwi nko ku Gisimenti ikaba ari na yo yonyine ipima ibizamini bya AND mu Rwanda yasobanuriye Izuba Rirashe uko bino bizamini bikorwa.

Ngo umuntu ukeneye gukoresha ikizami ngo amenye niba ari se w’umwana azana icyemezo cy’amavuko cy’umwana kigaragaza amazina y’ababyeyi be bombi ari nk’uko ari ku ndangamuntu, fotokopi z’indangamuntu z’ababyeyi bombi na bo bakaba bahibereye.

Ngo mu gihe umwana ari mukuru ni ukuvuga arengeje imyaka 18 azana fotokopi y’indangamuntu ye. Ngo aba babyeyi kandi batumwa abagabo ku mpande zombi bazahamya ko ikizamini cyakozwe.

adn

Iyo ibyo byangombwa byuzuye, ibipimwa n’ibyo byangombwa bishyirwa mu ibahasha igafungirwa imbere y’ababyeyi n’abahamya, hanyuma bagasinya (ababyeyi) ahafungirwa kugira ngo uzagerageza kuyifungura bizagaragare.

Ngo iyo ibyo birangiye, ikizamini cyoherezwa muri Laboratwari ya Lancet muri Afurika y’Epfo, ibisubizo bikaboneka mu gihe kiri hagati y’ibyumweru bitatu n’ukwezi.

Iyo umubyeyi w’umugabo yanze kujya kwipimisha ngo bimenyekane niba umwana ari uwe cyangwa se atari uwe, umugore ashobora kwifashisha polisi ikaba ari yo imuha urwandiko rubimutegeka, nk’uko bijya bigenda muri bamwe bakirwa na Lancet.

Muri rusange, iyi Laboratwari yakira abantu batatu buri kwezi, umubare ukaba ugenda uzamuka mu gihe cy’amezi 10 bamaze bakora.

Muri Test d’ADN hapimwa iki?

Tujya tubona mu mafilime bapima buri kintu cyose cyavuye ku muntu: amacandwe bakuye ku kintu umuntu yanywereyeho, umusatsi, imbyiro n’ibindi.

Rafiki avuga ko ibi atari amakabyankuru kuko ikoranabuhanga ryihuta kandi rizana ibintu bishya mu buzima buri munsi, ngo ariko burya amaraso ni yo atuma ibisubizo biboneka bitibeshye 100%.

Muri Lancet, bafata amaraso y’umwana na se cyangwa se ay’abandi bantu baje kwipimisha bakaba ari yo bohereza gupimwa.

Rafiki yagize ati “Burya mu maraso y’umwana haba haragiyemo 100% bya genes z’ababyeyi be bombi. Ni yo mpamvu ari yo dukoresha kugira ngo tubone ibisubizo bidashidikanywaho”

Asaba Abanyanyarwanda ko niba hari abashidikanya ku mwana yajya yihutira gukoresha iki kizamini aho kugira ngo bahorane amakimbirane mu ngo.

Rafiki ati “Iyo hari urwikekwe ko umwana atari uw’umugabo dore ko akenshi abagabo ari bo bagira icyo kibazo, umwana abigenderamo. Aho kugira ngo bibe ibintu byo kubika mu mitima, ni byiza kujya gukoresha test d’ADN.

Kugeza ubu, ikizamini cyo kumenyekanisha niba umugabo ari se w’umwana cyangwa niba atari we cyishyurwa amafaranga ibihumbi 311 n’amafaranga 900 muri Lancet, nta bwishingizi bucyishyura.

Ni igiciro kiri hejuru ugereranyije n’imibereho rusange y’Abanyarwanda, ariko Rafiki akemeza ko ari gito kuko bo babyohereza muri laboratwari ya Lancet muri Afurika y’Epfo, bikaba bimeze nk’aho ari bo babyikorera.

Avuga ko kandi impamvu laboratwari zose zitagira iki kizamini ngo ni uko ibikoresho byifashishwa bihenze cyane, kandi kikaba atari ikintu gikenerwa cyane mu buzima bw’abantu muri rusange.

Hazaboneka ryari laboratwari za Leta zipima ADN?

Malick Kayumba ushinzwe itumanaho muri MINISANTE avuga ko hari laboratwari zizapima ibizami bya ADN ziri kubakwa ngo kandi zirenda kurangira.

Kayumba yagize ati “Hari irimo kubakwa ku bitaro bya Kacyiru. Hari n’iri kubakwa kuri Laboratoire National iri hafi kuboneka ku buryo uyu mwaka uzarangira yatangiye gukoreshwa.”

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in inkoranabuhanga

Izo twabahitiye mo

Advertisement

Top 5

indirimbo

My Routine by Random

By June 3, 2019

indirimbo

Kankora ahantu by Passy

By May 21, 2019

indirimbo

Urakwiriye by Official Yvette

By May 19, 2019

indirimbo

Zirayumvira by Zawadi

By May 19, 2019

Facebook

To Top