Social Mula
Umukinnyi ukomoka mu gihugu cya Morocco, Youssef Rharb ari mu nzira zo kugaruka mu ikipe ya Rayon Sports akongera gukinana na Essomba Leandre Willy Onana ukomoka mu gihugu cya Cameroon.
Mu mwaka w’imikino wa 2021-2022, Youssef Rharb na Essomba Leandre Willy Onana bari abakinnyi bari bafitanye ubuvandimwe hagati yabo ibi byatumaga kunga ubumwe hagati yabo bitanga umusaruro ushimishije, akaba ari nabo ikipe yari yubakiyeho kugeza igihe batandukanaga.
Kuva Youssef Rharb yava muri Rayon Sports umunsi ku munsi yavuganaga na Essomba Leandre Willy Onana, ndetse nta gihindutse bashobora kongera gukinana mu gice cy’imikino yo kwishyura.
Mu gihe Youssef Rharb yagaruka muri Rayon Sports yasangamo abakinnyi bakinanyemo mbere barimo umuzamu Hategekimana Bonheur, Hakizimana Adolphe, Muvandimwe Jean Marie Vianney, Ndizeye Samuel, Mugisha Francois, Essomba Leandre Willy Onana na Rudasingwa Prince.
