Connect with us

YEGOB|Entertainment News

GAKENKE: Umwarimu yakubise umunyeshuri yigisha agwa muri koma.

Featured

GAKENKE: Umwarimu yakubise umunyeshuri yigisha agwa muri koma.

Ku munsi w’ejo tariki ya 18 Nyakanga 2018 nibwo umwarimu witwa Sendayanyoye Benjamin wigisha Ku kigo cy’amashuri abanza cya Karambo giherereye mu murenge wa Muhondo akarere ka Gakenke, mu ntara y’amajyaruguru yakubise umunyeshuri yigisha witwa Yarakoze Telance ,inkoni nyinshi zo mumutwe ahita agwa hasi ata ubwenge maze abarimu banga Ku mujyana kwa muganga ahubwo ubuyobozi bw’ikigo busaba ababyeyi b’uwo mwana kubigira ibanga no kubitwara gake nk’uko ababyeyi b’uyu mwana babitangarije umunyamakuru wa YEGOB .

Nguyu umwarimu ushinjwa gukubita umunyeshuri we.

Twagerageje kuvugana n’umuyobozi w’iri shuri ntibyadukundira kuko ubwo twateguraga iyi nkuru ntabwo telefone ye yacagamo gusa amakuru twahawe na bamwe mu barezi bigisha kuri iki kigo batashatse ko amazina yabo atangazwa ni uko ngo muri iki kigo harimo akarengane gakabije kuko ngo gukubita abana bisa nk’aho ntacyo bibabwiye kandi bigakorwa hatitaweho ibibazo bitandukanye umunyeshuri ashobora kuba afite.

Umwe yagize ati:”Ni ukuri rwose usanga abana bakubitwa bikabije ndetse ubuyobozi bw’ikigo butubuza kubivuga ,iyo ugize icyo utangaza babifata nabi. Ntibaba bitaye NGO umunyeshuri ashobora kuba arwaye akaba yagira ikibazo ,uretse ko no gukubita bitemewe”.Yakomeje adutangariza uburyo uriya mwarimu yakubise uriya munyeshuri wiga mu mwaka wa kane w’amashuri abanza, agira ati:”habaye akabazo mu ishuri noneho abanyeshuri bararwana harimo n’uwo Telance nibwo mwarimu Benjamin yahise aza afite inkoni akubita uwo mwana inkoni nyinshi zo mu mutwe maze umwana agwa hasi .”

Uyu niwe Yarakoze Telance wakubiswe na mwarimu we, akagwa muri koma.

Yongeyeho ko ubwo uyu mwana yakubitwaga akagwa muri koma batashatse ko hagira ubimenya dore ko bahise bamujyana muri Salle y’abarimu ,bakomeza kumuhungiza kugeza agaruye akuka babona gutumaho ababyeyi be ngo baze kumujyana.Twegereye umubyeyi usanzwe ufite umwana kuri iki kigo witwa Damascene nawe aduhamiriza ko abana be bahura birahira inkoni z’uyu mwarimu wabazonze.Yagize ati:”nibyo koko abana bacu bataha batubwirako mwarimu Benjamin abamereye nabi ndetse ngo akubita atababariye.”

Bamwe mu banyeshuri twaganiriye badutangarije ko kandi nyuma y’aho uriya Telance akubiswe mu buryo bukabije ngo  bose babujijwe kugira icyo bavuga ngo kuko batewe ubwoba ko bazahanwa nibaramuka batangaje ayo amakuru.

Kuri ubu Yarakoze Telance akaba yahise ajyanwa Ku kigonderabuzima cya Muhondo aho yagiye kuvurirwa kuko yari amerewe nabi kandi yahungabanye bikomeye, gusa ababyeyi be bitwa Nyiransabimana Maria Gorette na Nisengwe Amandin bakaba bakomeje gusaba ko uyu mwarimu Benjamin yakurikiranwa agahanwa.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Mfate moto by Deejay Pius

By December 8, 2019

indirimbo

Single Amalon ft Weasel

By December 7, 2019

indirimbo

True-love by Marina-ft-Safi Madiba

By December 7, 2019

Facebook

To Top