Ese koko Lionel Messi afite ipfunwe rihambaye ?

Lionel Messi (Leo) yarangije umwaka w’imikino  we n’ikipe y’igihugu cye Argentine babura igikombe cya Copa America ndetse ibi byabaye ibintu byatumye afata umwanzuro wavugishije benshi ,abandi baramwinginga ngo yihangane  yisubireho akomeze gukinira Argentine gusa we akomeza kuryumaho. 

Leo kandi yari yamaze kubura igikombe cya Champions League sibyo gusa kuko urukiko rwo muri Espagne rwamaze kumukatira we na se igifungo cy’amezi 21 kubera gukwepa imisoro  nyamara uwo bahora bahanganye mu kibuga Cristiano  (cr7) yarangije umwaka w’imikino yemye nyuma yo gutwara igikombe cya  EURO 2016 ndetse na Champions League .

Kuri ubu Cr7 na Leo bari berekeje kuruhukira mu gace kamwe ka Ibiza (Muri Espagne)  ngo ntabwo hari  intera nini hagati y’ama yacht (utwato duto twihuta cyane )  ariko ngo Leo yahisemo kugenda bucece    cyane nk’uko ikinyamakuru cyo muri Espagne Mundo Deportivo ndetse ibi ni nabyo byahereweho ibinyamakuru birimo 90 min bivuga ko Messi yaba afite ipfunwe ry’umusaruro yabonye  mu mwaka ushize w’imikino. cyabivuze,ariko Cr7 we yahise afata  ifoto ayishira kuri instagram yifitiye icyizere.