Ese ko mbona ” kurotaguzwa” binsenyeye nkiri umugeni,ndagira nte?

Umwe mu basomyi ba YEGOB yaratwandikiye maze atubwira ikibazo kimwugarije none twasanze icyo twakora ari ukukibasangiza kuko wenda mwagira icyo mu mugiraho inama nk’uko nawe ababonamo ubushobozi,tudatebye ati”

Reka niyite Liliane kubw’impamvu yo kwanga ko hagira umenya maze  bikanyongerera ibibazo mu bindi,Mfite imyaka 25 maze amezi 10 gusa nkoze ubukwe. ibyo ngiye kubabwire ntabwo nkibyita ibanga mu mutima wanjye ,mfite ikibazo ,ikibazo cyo kurota mvuga (kurotaguzwa) gusa ntabwo iki kibazo aricyo navukanye ahubwo  byatangiye nyuma yuko ndyamanye n’umusore.

 

Nk’uko mu bizi mwese turi abantu ,ndabizi ko wowe  usoma ibi waba uri Imanzi cyangwa uri isugi gusa ibyo nsibyo mpa agaciro cyane kurenza ibyambayeyo ,abantu bigira abatagatifu ibyo birazwi ndetse bamwe bumva bafite ijuru kuko batakoze icyo bita icyaha ariko nyamara burya ubuzima bugira uko butugenga.

nibyo koko narakosheje nkora imibonano ntarashaka,kandi uwo twayikoranye ntabwo ari we naje gushakaho,nabikoze rimwe ariko icyantunguye hashize igihe gito twarasubiye mu rugo mu biruhuko (Bisoza amashuli yisumbuye) narabyutse murumuna wanjye arambaza ngo “Cedru urara uhamagara ni nde ?”

Akibimbaza umutima warasimbutse maze ndaseka nti wimbeshyera, bucyeye bwaho na none kandi biba uko ndongera ndara mvuga…ariko kandi n’ubwo uwo musore wumva yazonze inzozi zanjye ntanubwo twigeze dukundana ahubwo twari inshuti bisanzwe ,kuko twari twarahuriye muri secondaire,ninaho twari twarakoreye ibyo.Mu by’ukuri ndota muhamagara rimwe na rimwe nkaba nasubiramo mu magambo ibyo twakoze. nakomeje kugira ngo bizarangira ndetse murumuna wanjye we yari yarabimenyereye ku buryo atarakimbaza impamvu ndara nteshaguzwa.

 

Narabikuranye nirinda kubifata nk’ikibazo kuko numvaga umunsi ari umunsi nzabyibagirwa,ariko ikibazo gikomeye cyavutse nyuma yuko mbanye n’undi musore twaje guhura nyuma maze  dukundana urwo kurushinga,nyuma yo kurushinga tumaranye amezi agera nko kuri 3 yaje kumbwira ko ndara mvuga,ariko ngo ijambo yumvamo ari Cedru gusa,icyo gihe narasetse maze mubwira ko bishoboka ko ibyo yumva ataribyo ariko nongeraho ko kurota ari ibintu bisanzwe.

Ikirenze kuri ibyo noneho rero n’uko byakomeje maze akajya akomeza kumbwira ko mubangamira iyo mvuga mu ijoro,nyuma ..ejobundi nibwo noneho yaje kuryama atinze asanga naryamye kare maze antega amatwi yumva ndavuga uburyo twakoze imibonano n’uwo Cedru.

Yananiwe kubyihanganira kuko yanacyetse ko twabikoze muri iyi minsi ya vuba,yarankanguye n’umujinya mwinshi maze anyumvishije amajwi yamfashe kuri Telefone mpita nicwa n’ikimwaro,yambwiye ko ngomba kumubwira uwo yise umuhanya cedru,ngo umuca inyuma,ndetse we ansaba kumwihanaho nkamubwira ibyo nirirwa nkorana n’uwo mugabo ndara mpamagara kugira ambabarire  ati”ni  bitaba ibyo nyuma y’icyumweru nzaguhamagarira umuryango,maze nkohereze iwanyu”

Yewe hari n’ubwo ataha  akarira,agira ati” koko Liliya,unce inyuma tutaramarana n’umwaka ? nibyo koko umugore mwiza  aba ari igikinisho cy’abagabo,nshengurwa n’ikimwaro nterwa n’amagambo yuzuye ibyishimo urara uvuga gusa” nanjye ibyo ntacyo nakongeraho usibye guturika nkarira kuko ndikwibaza uburyo nzamubwira uko byagenze,akabyemera nyamara bimaze imyaka isaga 9 bibaye …ngasanga azabifata nk’amacabiranya. n’ukuri bifite indi ntera ndetse ntakimvugisha muri iyi minsi ,ubu ndara nkanuye kugira agatotsi katantwara nkavuga ngasubiramo ya mafuti.

Ndababaye,nabuze ubwabibwira Mama,gusa ngize umutima wo kubyandika aha mu gihe hasigaye iminsi 5 gusa ngo cya cyumweru yampaye kirangire,aherutse no kumbwira ko n’inda ntwite atakemeza ko ari iyiwe..akumiro karagwira! agahinda mfite kanyuzuye umutima,mumfashe nk’uko nabonye mufasha n’abandi mukabaha ibitekerezo byubaka,ni mumfashe kuko ibyange ndabona bigeze mu marembera”

Mumbabarire ko amazina nakoresheje yose nayahinduye kubw’impamvu zanjye bwite.

Report

3 Comments

Leave a Reply
  1. NITWA Anselme ZAWADI,urafise Ingorane Ukwiye Kumubwiza Ukuri Nimba Agukunda Aza Guharira Kand Washakisha Ubufasha Kubapsychologists Nkumbur Bogufasha

  2. Ahubwo njye ndabona ukwiye gushaka Cedru, kuko yarakuroze! None se urumva bitaniye he na bimwe twumva ngo amagini(amadayimoni) avugira mu muntu? Ni biba na ngombwa uzabisobanurire umugabo wawe abigufashemo mushake Cedru akuvure, ubone warara utarotaguzwa, nako utadayimona.

  3. Nshuti yanjye inama nakugira ni uko washaka umukozi w’Imana akagukorera delivrance kuko uwo muhungu yarakuroze. Ikindi icara ubwize ukuri umugabo wawe, umubwire uko byagenze niba agukunda azakubabarira. Ushaka umukozi w’Imana wagukorera waza zion kibagabaga

Shyiraho igitekerezo

What do you think?

146 Points
Upvote Downvote

Knowless Butera yatuguwe no kwibona ku rutonde rw’abahanzi bahataniye ibihembo bikomeye muri Nigeria (NEAS) :(+URUTONDE)

Reba hano urutonde rw’ibyamamare bifite abana benshi! (amafoto)