Dore isura nshya utazi ya Miss Kwizera Peace urusha benshi gushikama (amafoto)

Abenshi bazi Miss Kwizera Peace Ndaruhutse  nk’igisonga cya mbere cya Nyampinga w’u Rwanda  cyo kimwe nka  Nyampinga ubereye amafoto (Miss Photogenic )  wa 2016 ariko ni bacye bazi ko uyu mwali w’imyaka 20 yanditse igitabo yise “OH RWANDAN CHILD”,Igitabo cyanogeye benshi.

Ni mbarwa kandi bazi ko Miss Kwizera Peace ari umwe rukumbi  muri ba nyampinga wagaragaje ko ashyize imbaraga mu mwuga wo kumurika imideli no kurimba ikirenze kuri ibyo mu birori i by’imideli byari byiswe ‘Week of Fashion’ byateguwe n’ikompanyi Collective Rw ihuriwemo n’abanyamideli bo mu Rwanda ,Miss Kwizera Peace yari mu babyitabiriye kandi bagaragaje ko bambariye uyu mwuga.

Miss Kwizera mu kiganiro kigufi yagiranye na YEGOB.RW yatangaje ko ateganya kwihangira imirimo ijyanye n’ubugeni birimo guhanga imyambaro mishya (Clothing Design) ariko kandi ngo ntabwo ‘OH RWANDAN CHILD’ aricyo gitabo cye gisoza kuko yumva azandika n’ibindi bigamije gufasha uburere bw’umwana n’umuryango nyarwanda muri rusange.

Usibye kuba yaranditse igitabo,agakora mu kiganiro Rise and Shine Rwanda (gica kuri televiziyo y’u Rwanda)ngo  ubu ari fuza   kwiga muri Kaminuza umwaka utaha akiga “Community Psychology” ,ni ukuvuga ibijyanye no gutanga ubujyanama mu byo mu mutwe.

Nguyu Miss Kwizera Peace nk’umunyamideli kandi w’umurimbyi.