in ,

Dore amakosa atanu twese dukorera mu bwiherero (toilettes)

Ntabwo icyo wagakwiye gutinya gusa ari bacteria mu gihe werekeye ku musarani kuko burya ngo n’uburyo wihanagura cyangwa ukaraba intoki ubwabyo bishobora kukubuza ubuzima buzira umuze.

Iteka mwerekera mu bwiherero ndetse abenshi ntamunsi utaha batagiyeyo,mwibwira ko mukora isuku uko bikwiye nyamara hariho ibintu mudakora neza,reba hano bimwe muri byo.

 

1.Kwicara igihe kirekire

Mu gihe uri mu bwiherero birakwiye ko wirinda kwicara igihe kinini,burya ngo iyo wicaye ukageza ubwo utumva ahagana mu mavi yawe,ku buryo n’uyakoraho utabyumva burya ngo uba ushobora gukurizamo kuzana amagara(Cyangwa ikitwa hémorroïdes mu rurimi rw’igifaransa)

Ku bantu bakunze kurwara Impatwe ,Dr Dr Anish Sheth avuga ko ari byiza mu gihe ahagurutse akabanza akagenda genda kuko bifasha amara gukora neza ku buryo iyo agarutse birushaho kumworohereza kuruhuka.

2.Uko wihanagura

Dr Sheth inzobere mu by’igogora ry’umubiri yavuze ko  bikwiye ko uwihanagura yajya abikora ubugira 2 cyangwa rimwe gusa mu gihe yerekeje mu bwiherero kuko burya ngo uko ukomeza kwihanagura ubugira kenshi biba bishobora kwangiza imitsi y’aho umwanda usohokera ,bishobora no korohereza udukoko duto dutera indwara kukwinjira byoroshye.

ariko kandi ngo niba urwaye impatwe ihate amazi ndetse n’imboga kugira wirinde  hémorroïdes kandi iteka utoranye impapuro zabugenewe abe arizo ukoresha mu bwiherero.

3.kwiyumutsa intoki ukoresheje icyuma cyumutsa

Ubushakashatsi bwo mu Bwami bw’Abongereza buherutse kwemeza ko icyuma cyumutsa ibiganza cyanduza microbes incuro 27 kurusha impapuro z’isuku.ngo microbes zimara iminota 15 mu mwuka nyuma y’uko kiba kimaze gukoreshwa ku buryo iyo nawe uhise ugikoresha uhita utwara iz’abakubanjirije kugikoresha  .ngaho ibaze iyo ukoresha ubwiherero rusange.

4.Uburyo wihanaguramo

inzobere mu kuvura indwara z’abagore  Alyssa Dweck yavuze ko ari byiza kwihanagura uvana imbere ujyana inyuma cyane ku bagore. burya ngo kwihanagura ujyana inyuma bishobora gutera Bacteria kujya aho inkari zisokera,ibi bishobora kugutera ubu babare mu gihe wiherera ndetse bikakujyana kwa muganga.

Ese ubundi usukuye ahitwa mu gice cy’ibanga uko bikwiye,Cyane cyane igitsinagore ntabwo imyanya y’ibanga yawe ikeneye umubavu cyangwa ibyumutsa (Vaporisateurs) kugira ibashe gusa na bicye,mu yandi magambo si byiza ko ugira ibyo wisiga mu myanya y’ibanga kugira ngo urusheho gucya kuko bishobora korohereza bacteria ku buryo zagutera indwara byoroshye.Burya kuhakaraba n’isabune (yo gukaraba) ndetse no kuhumutsa kugira uhagabanyirize ububobere bukabije, byonyine birahagije.

Report

What do you think?

146 Points
Upvote Downvote

Comments

Shyiraho igitekerezo

Loading…

0

Ubuzima: Niba utinda mu bwiherero dore akaga ushobora kuzahura nako!

Dore impamvu Miss Vanessa abenze Olivis (+gihamya)