Danny Vumbi :Kumvugaho kwambara nabi ntibyahungabanya na gato urugendo rwanjye muri Guma Guma!

Birashoboka ko warebye Igitaramo cya Primus Guma Guma giherutse kubera i Karongi,birashoboka kandi ko waba warabonye byinshi wavuga ,si wowe gusa rero kuko n’abakoze ikiganiro sunday night babonye ko ngo imyambarire y’ umuhanzi  Danny Vumbi itari inogeye ijisho.ibi bisa naho Danny Vumbi atabyakiriye neza maze ajya kuri Facebook ,yandikaho amagambo agira ati”” Umunyamakuru wasabye muri sunday night show ko ntazongera kwambara iyi shati arifuza ko nambara iki? Kwambara nabi kuri we ni ukwambara nk’ugiye mu bukwe!?

Birashoboka ko yaba yari yambaye nabi koko, ariko se ubundi kwambara neza cyangwa nabi n’ukuhe? tukibaza ibi ,Umunyamakuru wacu yabajije Danny Vumbi uko yakiriye iyo mvugo” atubwira ko atari neza, gusa kandi ngo ntanagito byakora ku rugendo rwe muri Guma Guma kuko ngo iteka azahora akora ibikwiye ndetse yongeraho ko Umunyamakuru ataba ari mu kanama nkemurampaka ,iyi akaba ari nayo mpamvu avuga ko imvugo ye ntacyo yakora ku rugendo rw’umuhanzi wiyemeje gutsinda.

Danny uvuga ko atacika intege na gato yirinze kuvuga byinshi kubijyanye n’uko yavuzweho kwambara nabi ahubwo ashimangira ko akataje mu tugamba rwo guhatanira Guma Guma.Ese wowe urabona koko yari yambaye nabi?