Cristiano Ronaldo yibasiwe bikomeye na Polisi yo mu gihugu cya Espagne(Impamvu)

Mu gihe umunya Portugali Cristiano Ronaldo yibereye mu biruhuko mu bwato bwo ku cyirwa cya Baléares aho ari kuruhukira anitegura gusanga ikipe ya Real Madrid mu minsi ine gusa asigaje kugirango berekeze muri Leta Zunze ubumwe z’Amerika aho bazakinira imikino ya International Champions Cup,Polisi yo mu gihugu cya Espagne yasuye kuburyo butunguranye ubwato uyu musore yari ari kuruhukiramo nkuko tubikesha ikinyamakuru El Mundo Deportivo.

Nkuko iki kinyamakuru gikomeza kubivuga ubwo Cristiano Ronaldo yari yiryamiye mu bwato bwe, abapolisi batatu bamuguye gitumo aho yarari kumwe n’abana be batatu na Mama ndetse n’umugore we bamubaza ibibazo bitamenyekanye ndetse banahavana amadosiye menshi gusa ntawamenye ibyari bikubiye muri ayo ma dosiye. Gusa amakuru yandi dukesha ikinyamakuru AS arahamya ko abagenzacyaha bo mu gihugu cya Espagne bari gushaka ibmenyetso byose simusiga bazifashisha mu rubanza uyu musore aregwamo kunyereza imisoro ya Leta ruzaba ku italiki ya 31 z’uku kwezi.