Cristiano Ronaldo yatangaje urutonde rw’abakinnyi abona bazamusimbura mu buhangange(barebe hano)

Ku mugoroba wo kuri uyu wa kane ubwo igikorwa cyo gutora umukinnyi mwiza ku mugabane w’uburayi ndetse na Tombola y’amatsinda mu mikina ya Uefa Champions League byabaga aho rutahizamu w’ikipe ya Real Madrid Cristiano Ronaldo yegukanaga iki gihembo, mu kiganiro yagiranye n’itangazamakuru uyu musore yatangaje byinshi birimo n’abakinnyi abonamo ko bashobora kuzamusimbura mu buhangange, ubushongore ndetse n’ubukaka yagaragaje mu mupira w’amaguru mu myaka icumi ishize.

Nkuko tubikesha ikinyamakuru Daily Mail uyu musore ubwo yabajijwe ku bakinnyi abona bazamusimbura ku bigwi, ibihembo ndetse n’uduhigo yakoze uyu mugabo yagize abakinnyi atangaza abonamo ubushake ndetse n’ubushobozi bwo kuzagera kuri byinshi mu mupira w’amaguru. Muri abo bakinnyi harimo:

1.Kylian Mbappe lottin umufaransa ukinira ikipe ya Monaco kurubu wenda kwerekeza mu ikipe ya PSG nawe wigaragaje cyane ku myaka ye 18.

2.Ousmane Dembele rutahizamu w’ikipe ya Borussia Dortmund wenda kwerekeza mu ikipe ya Fc Barcelona nawe wagaragaje ubuhanga n’amacenga adasanzwe

3.Marcus Rashford rutahizamu w’ikipe ya Manchester United umaze kwigaragaza ko ashoboye gutaha izamu mu bihe byose

4.Marco Asensio Willemsen rutahizamu usimbura w’ikipe ya Real Madrid ku myaka ye 21 nawe udahwema gutsinda ibitego igihe cyose ari mu kibuga.