Connect with us

YEGOB|Entertainment News

Couples 15 zasenyutse mu mwaka wa 2016

Featured

Couples 15 zasenyutse mu mwaka wa 2016

Umuririmbyi Kitoko Bibarwa muri Rurashonga yateruye agira ati ‘urukundo burya ni nka bombo isaza ishonga, urukundo burya ni nk’isabune isaza ishonga’, yahanze afite ishingiro kuko akaryoshye ntigahora mu itama! Barakundanye karahava, ariko ubu byitwa amateka.

Mu myaka yatambutse hari benshi mu byamamare byo ku Isi, muri Afurika ndetse no mu Rwanda bahoranaga ibineza neza ku maso, babagaho mu munezero ku bwo kugendera mu munyenga w’urukundo no guteteshwa n’abo bakundanaga. Ubumwe bwabo n’abakunzi babo, bwamamaye mu itangazamakuru ariko ubu ibyabo byahindutse amateka.

Jason-Derulo-horzAkaryoshye ntigahora mu itama! Mu gihe bari mu bihe byiza n’abakunzi babo, Isi babanagamo yatembaga amata n’ubuki, babibaga imbuto zisarurwaho umunezero gusa, babwiranaga amagambo aryohereye kurusha ubuki ariko ku bw’amahari bamwe bagiranye ubu babwirana amagambo akeba ku rurimi.

Urukundo rw’iki gihe rusaza rushonga ndetse Kitoko yabihamije agira ati ‘Urukundo ruryoha rugitangira, mu minsi mike rukagenda rurangira.’ Ni byo byabaye kuri couples zabiciye bigacika muri showbiz yo mu Rwanda ariko kuri ubu zasenyutse zidasoje umwaka wa 2016.

1. Taylor Swift na Calvin Harris

Aba bo bari bamaze amezi 15 gusa bakundana, ni kenshi babaga bari kumwe mu birori bikomeye gusa muri 2016 ni hake washoboraga kubabona bafatanye agatoki ku kandi. Taylor kuva yamenyekana, amaze gutandukana n’abasore icyenda b’ibyamamare.

2. Zayn na Gigi Hadid

Zayn Malik na Gigi Hadid batangiye gukundana mu Gushyingo 2015, uyu mukobwa yari amaze ibyumweru bike atandukanye na Joe Jonas.

3. Wema Sepetu na Idris Sultan

Urukundo rwa Nyampinga wa Tanzania umwaka wa 2007, Wema Sepetu na Idris Sultan rwajemo ibibazo muri Gashyantare 2016 nyuma y’uko inda uyu mukobwa yari atwite yavuyemo ku mpamvu zitasobanuwe. Aba bombi bari bamaze ukwezi kumwe batangaje byeruye ko bakundana ndetse bitegura kubyarana.

4. Lady Gaga na Taylor Kinney

Stefani Joanne Angelina Germanotta [Lady Gaga] n’umukunzi we Taylor Kinney bari bamaze imyaka itanu bakundana, bamenyanye mu mwaka wa 2011 ari nabwo bahise binjira mu rukundo. Batandukanye mu gihe biteguraga gukora ubukwe.

5. Demi Lovato na Wilmer Valderrama

Aba bakundanye igihe kirekire ndetse urukundo rwabo rwari intangarugero kuri benshi mu bakundana. Umuririmbyi Demi Lovato ashyirwa mu majwi ko ari we wananije umusore kugeza ubwo batandukanye bitunguranye muri Kamena 2016.

6. Diane Kruger na Joshua Jackson

Umudagekazi Diane Kruger, umwe mu bahanga mu gukina filime yatandukanye n’umugabo we Joshua Jackson [na we ukina filime] nyuma y’uko bari bamaranye imyaka icumi babana. Aba na bo batandukanye bitunguranye.

7. Jason Derulo na Daphne Joy

Muri Gicurasi 2016 Jason Derulo yatanduka n’umunyamideli Daphne Joy wabyaranye n’umuraperi 50 Cent, bari bamaranye amezi agera kuri arindwi batangaje byeruye ko bari mu rukundo. Jason Derulo azwi cyane mu Rwanda mu ndirimbo ‘Whatcha Say’, yaje i Kigali aririmba mu gitaramo gisoza PGGSS 2012. Yakundanye igihe kinini n’umuhanzi Jordin Sparks batandukana muri 2014.

8. Sandra Teta na Derek

Miss Sandra Teta na Derek bakundanye byeruye kuva mu mwaka wa 2014, bagiranye ibihe bikomeye mu rukundo rwabo ndetse ntibyabagaho ko bavugwa mu itangazamakuru ko bagiranye ibibazo. Muri Kamena 2016 Derek yatunguye benshi avuga ko iby’urukundo abivuyeho.

9. Uwase Vanessa na Olivis

Aba bari bamaze amezi make bavuze ko bakundana, ni bo batangaje bwa mbere ko batandukanye ndetse na Derek ahita avuga ko asenze Sandra Teta izuba riva. Miss Vanessa na Olivis bo batandukanye nabi ndetse batukaniye ku karubanda, inkumi yabwiye umusore ko irambiwe gukundana n’abana, umusore na we ati ‘Nta wita umwana uwo yambariye ubusa!’

10. Meddy Saleh na Shaddy

Producer Meddy Saleh umwe mu bakora amashusho y’indirimbo mu Rwanda, yatandukanye n’umugore we Shaddy bari bamaze kubyarana abana babiri. Ntibigeze bemerera itangazamakuru ko byabaye gusa hari gihamya ko buri wese asigaye afite urugo rwe.

11. Nick Young na Iggy Azalea

Muri Kamena 2016, umuraperi Amethyst Amelia Kelly [Iggy Azalea] yafashe umwanzuro gutandukana bya burundu n’umukunzi we Nick Young akimara kumuvumbura ko asambana n’abandi bagore. Na bo batandukanye nyuma y’igihe gito gishize batangaje ko bitegura kurushinga.

12. Producer Junior na Jessica

Producer Junior utunganya indirimbo muri Round Music, yatandukanye n’umukunzi we Jessica nyuma y’imyaka ibiri beruye ko bakundana. Batandukanye nyuma y’ibibazo bagiranye birimo kuba ‘umukobwa yarashinje umusore kumwiba ishyiga, ibiryamirwa n’ibindi bikoresho byo mu nzu.’ Junior na we yigeze kubwira IGIHE ko Jessice yakuyemo inda ari nayo ntandaro y’ibibazo byabo.

13. The Ben na Midi

Mu mwaka ushize nibwo The Ben yavuze ko akundana na Midi babana muri Amerika ndetse nyuma byavuzwe ko basigaye babana mu nzu. Inkuru ihari ni uko aba bombi batandukanye ndetse batagicana uwaka. Urukundo rwabo ntirwavuzwe cyane mu itangazamakuru.

14. Tiwa Savage na Tee Billz

Umuhanzi w’icyamamare muri Afurika Tiwa Savage yagiranye ibibazo bikomeye n’umugabo we muri Mata 2016 ndetse bahita batandukana burundu.

Tee Billz yashinje umugore we uburaya no kuryamana n’abagabo b’ibyamamare muri Nigeria nka Don Jazzy [umuyobozi wa Mavin Records ari nayo Tiwa Savage akoreramo umuziki], 2Face, DrSid n’abandi bamwigondeye ku bw’imbaraga z’ifaranga. Aba bombi bari bamaze imyaka itanu barushinze.

15.Vanessa Mdee na Jux

Aba bombi ni ibyamamare mu muziki muri Afurika y’Uburasirazuba, bakundanye igihe kinini gusa umwaka wa 2016 bananiwe kuwusoza bakiri mu rukundo.

Izinugwanugwa…

Rihanna na Drake

Ni ibyamamare ku Isi mu muziki, baherutse gukorana indirimbo yitwa ‘Work’ yakunzwe cyane. Aba bombi bavugwaho kuba mu rukundo kenshi ndetse kugeza ubu birakekwa ko bari kumwe.

Nick Cannon na Chilli

Nick Cannon yaba yinjiye mu rukundo na Rozonda “Chilli” nyuma y’imyaka ibiri atandukanye n’uwari umugore we Mariah Carey bari bamaranye imyaka itandatu barushinze. Mariah Carey na we yiteguye kurushingana n’undi mugabo bamaze igihe kigera ku mwaka bakundana.

Khloe Kardashian na Trey Songz

Khloe Kardashian aravugwaho kuba mu rukundo rushya nyuma y’amezi make ashize aatndukanye na James Harden icyamamare muri Basketball ya Amerika. Khloe asigaye agaragara kenshi ari kumwe na Trey Songz ndetse mu ntangiriro z’uku kwezi yagiye mu gitaramo cye i Las Vegas .

Radio na Lilian Mbabazi

Umuririmbyi wo muri Good Life Moses Nakintije Ssekibogo[Radio] na Mbabazi Lilian wahoze muri Blue 3 bubuye iby’urukundo rwabo ndetse bagaragaza ko bakiri kumwe. Aba bombi basigaye bagaragara bishimanye ndetse mu ijoro ryo kuwa 9 Kamena 2016 bagiranye ibihe byiza muri Club Amnesia bisa nk’aho nta kibazo bigeze bagirana mu myaka yashize.

Radio na Mbabazi bacishagamo bagasomana….Ibihe baherukaga mbere ya 2015

Kendall Jenner na Jordan Clarkson

Aba bombi baheruka gusohokana muri Malibu kuwa 4 Nyakanga 2016, inshuti yabo yahamirije E!News ko bari mu rukundo. Kendall usigaye agaragaza ko yishimiye Jordan asigaye yitabira imikino ya basketball umusore bakekwaho kuba mu rukundo akina.

Taylor Swift na Tom Hiddleston

Nyuma yo gutandukana na Calvin Harris, birakekwa ko Taylor yahise akundana na Tom Hiddleston.

Sharifa na Olivis

Nyuma yo gutandukana na Miss Vanessa, Olivis yashyize ifoto kuri Instagram ari kumwe na Sharifa, yakurikiwe n’amagambo menshi yiganjemo ayahamyaga ko bari mu rukundo nyamara bo bakemeza ko ari inshuti zisanzwe.

Mico The Best na Phionah

Mico The Best yaba ari mu rukundo n’uyu muhanzi mugenzi we ndetse IGIHE ifite ibimenyetso bigaragaza ko baba bakundana gusa banze kubibwira itangazamakuru urukundo rutarakomera.

Source:IGIHE

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Kankora ahantu by Passy

By May 21, 2019

indirimbo

Urakwiriye by Official Yvette

By May 19, 2019

indirimbo

Zirayumvira by Zawadi

By May 19, 2019

indirimbo

Twifunze by Sintex

By May 18, 2019

Facebook

To Top