Connect with us

Imyidagaduro

Christopher yabonye umujyanama mushya

Published

on

Zizou Alpacino agiye gutangiza inzu nshya itunganya umuziki (Studio) mu majwi n’amashusho izaba inafite itsinda ry’abahanzi bahoraho ikorana na bo mu buryo busanzwe bumenyerewe nka ‘Label’.

Christoher ari mu bahanzi bayigize, nk’uko umwe mu bakozi b’iyi nzu yabibwiye Izubarirashe.rw.

Umunyamakuru w’Izubarirashe yageze ahubatse iyi studio nshya ya Dj Zizou, abwirwa ko mu minsi ya vuba iyi nzu izatangira gukora kandi ko izakorana n’abahanzi barimo Christopher n’abandi bazatangazwa vuba.

Iyi nzu yubatse mu Rugando, izakorwamo na Producer Junior wari usanzwe akorera muri Touch Records.

Amakuru agera ku Izubarirashe.rw, ava mu nshuti za hafi z’aba bombi avuga ko iyi nzu itunganya umuziki izaba yitwa ‘Apacino Music Group’, kandi ko itangira gukora mu gihe gito cyane.

Iyi Label Zizou ayifatanyije n’undi mukobwa w’Umunyarwandakazi ukunze kuba hanze y’u Rwanda.

Ubwo umuhanzi Christopher yatandukanaga n’inzu itunganya umuziki ya Kina Music, yari yahise atangariza Izubarirashe.rw ko hari abandi bajyanama bashya bagiye gutangira gukorana; ari bo aba Apacino Music Group.

Akivuga ibi, hari bamwe bari bamaze guhita batangira kunuganuga ko azahita akorana na DJ Zizou Alpacino bitewe n’uko bari bamaze igihe kinini bagendana bya hafi.

Dj Zizou yatangiye gukorana cyane na Christopher ku ndirimbo ‘Abasitari’ kuko uwayanditse Kubwimana Sosthene yayihaye Zizou akaba ari we uyigeza kuri Christopher.

chrss

Amakuru y’uko Christopher amaze igihe agendana agatoki ku kandi na we wakoranaga bya hafi na Kina Music, ku buryo hari abakeka ko ari mu bo Christopher yaba agiye gutangira gukorana na we.

Umwe muri izi nshuti yagize ati “Iyi nzu nitangira gukora, Zizou niwe uzatangira gufasha Christopher haba mu kumufasha gukorerwa ibihangano bishya, mu kubimenyekanisha n’indi mikorere yose ijyanye n’umuziki we. Gusa hazongerwamo abandi bahanzi muri Label.”

Ubwo Christopher yatangazaga ko azakorana n’abandi bantu bashya bazakorana yari yabwiye Izubarirashe.rw ko abo bantu abitezeho impinduka nyinshi.

Yagize ati “Ntabwo nari nabitangaza ubu ngubu, hari igihe nzabitangaza byose nkavuga imikorere yanjye mishya n’abo tuzakorana.”

Aha yari yavuze ko nyuma yo kuva muri Kina agiye kwerekana imikorere mishya.

Twagerageje kuvugana na Christopher ntibyadukundira. Twavuganye na Dj Zizou, we avuga ko aya makuru atari yo, ko ari ibihuha byashyira abantu mu rujijo.

Inkuru dukesha izuba rirashe

Leave your vote

Comments

0 comments

Advertisement
Click to comment

Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.

Izikunzwe

Advertisement
Advertisement

Inkuru z'umunsi

Log In

Forgot password?

Don't have an account? Register

Forgot password?

Enter your account data and we will send you a link to reset your password.

This site is protected by reCAPTCHA and the Google Privacy Policy and Terms of Service apply.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

error: Content is protected !!
Skip to toolbar