OLIVIER NTANTURO
Byakomeye:Umuriro Uncle Austin yakije kuba Dj’s ukomeje kugera kure n’abanyamakuru babyinjiyemo.
Uku kutumvikana kwatangijwe na uncle Austin ubwo yavugaga ko aba Dj bo mu Rwanda ari bangamwabo badakina indirimbo nyarwanda.
Yagize ati:”Ese aba DJ’s b’Abanyarwanda kandi abakomeye, kuki gucuranga indirimbo z’abahanzi b’iwabo mutabikozwa? Uziko wagira ngo muhagarariye ibindi bihugu […] gusa abagerageza kuzikina turabashimira. Ni byiza gucuranga n’abandi ariko mucurange ab’iwanyu ntacyo mwaba.”
Ibi umu Dj ukunzwe n’abatari bacye Dj Brianne yarabibonye nawe ntiyaripfana avuga ko nabo ntacyo babafasha.
Yagize ati “Ubuse inshuro nyinshi ntitubaha ama affiches yerekana aho ducuranga hari ujya twe adushyigikira? Tureke kwitana ba mwana ahubwo namwe mukwiye kumenya agaciro ka DJ.”
Gusa ibi nubwo byakomeje kubura gica umunyamakuru w’imyidagaduro kuri RTV uzwi nka Lucky Nzeyimana yavuze ko batagomba kwitana ba mwana.
yagize Ati “Abo banya-Nigeria bo barabashyigikira, bakanasangiza ababakurikira affiches zamamaza aho mukorera? Ukwerekana ko nta kosa rihari! Ukuri ni uko kwikunda kugikomeye muri twe.”
