«Boss wanjye yambwiye ko ndi MUBI ntakwiriye kugaragara mu mashusho» -Agahinda k’umunyamakuru ukomeye mu Rwanda.

Umunyamakuru Nsengiyumva Emmanuel uzwi cyane ku izina rya Emmy Rwanda Ikinege akaba amenyerewe cyane mu myidagaduro hano mu Rwanda, yavuze agahinda yatewe nuko umwe mu bakoresha be bo mu myaka yashize yamwise ko ari « MUBI » ndetse ko adakwiye kugaragara mu mashusho y’ama interview y’ikinyamakuru yakoreraga. Emmy yagize ati « Ntangira gukora video zitambuka kuri Youtube uwari umuyobozi wanjye mukuru yakoranye inama n’uwanyoboraga icyo gihe, amubwira ko ntakwiye kugaragara muri interviews z’abahanzi kuko “Ndi mubi!”, undi wabonaga ko ibyo nkora byinjiza amafaranga menshi muri kompanyi yaramuretse nkomeza gukora, byibuza kompanyi nayinjirije arenga 10k USD kabone nubwo nayahembwemo! igitangaje uwo wanyise mubi ku isura ubu anyambuye 200k y’amanyarwanda, kuko nahavuye batanyishyuye! Yes Ndi mubi ndanabizi! Ese mbabaze ku bwawe umuntu aba ari mubi ryari? ubwo se uramutse usanze ndemye mu ishusho y’Imana nayo waba warayise mbi! ❗byahise binyibutsa the day umuntu abwira Maman (RIP) ngo ubona abantu bose bapfe hasigare umutwe wa Kayiranga (Data RIP)! Imana niyo nkuru kuko ishobora kuguhindurira amateka🙏  ».

Ubwo yaganiraga na ISIMBI TV, Emmy yakomoje kuri aya magambo yatangaje ku mugoroba wo ku munsi w’ejo tariki ya 11 Mata 2021 aho yavuze ko yabwiwe ko umuyobozi we yavuze ko ari MUBI ndetse ko adakwiye no kugaragara mu mashusho (vidéos) zashyirwagwa ku rubuga rwa YouTube rw’icyo gitangazamakuru nyamara ariwe wazanye igitekerezo cyo gukora izo vidéos ndetse zikaba zaraninjirizaga agatubutse icyo gitangazamakuru. Emmy yavuze kandi ko bidakwiye ko umuntu abwira undi amagambo atamwubaka nko kuba yamubwira ko ari mubi cyangwa se andi magambo atamwubaka. Yagize ati « Wabwira umuntu ko ari umuswa akajya kwiga cyangwa se ukabwira umuhanzi ko atazi kuririmba akajya kwiga kuririmba, ariko se ubwira umuntu ko ari mubi ngo bimumarire iki? ». Ku bijyanye n’impamvu Emmy yatangaje ariya magambo, yavuze ko yayatangaje kugirango arebe niba muri sosiyete hari n’abandi bantu baba barabwiwe amagambo nk’ayo yabwiwe.

Emmy yakomeje avuga ko agira agahinda cyane nk’iyo ari kumwe n’inshuti ze maze bakabona umuntu ubaciye iruhande hagira uvuga ko uwo muntu ari MUBI agahita agira agahinda yibutse amagambo yabwiwe. Yagize ati « Nkubu twicaye hano turi abajama hano hagaca umukobwa, twese tugira ibitekerezo bitandukanye, hari uvuga ko ari mwiza undi akavuga ko ari MUBI, iyo hagize uvuga ko ari mubi, bintera agahinda nkahita nibuka amagambo nabwiwe ko nanjye ndi MUBI ».

Umunyamakuru Emmy Rwanda

Report

Shyiraho igitekerezo

What do you think?

167 Points
Upvote Downvote

Kibonke na Samusure bageneye Abanyarwanda ubutumwa muri ibi bihe byo kwibuka Jenoside yakorewe Abatutsi mu 1994.

Amwe mu mabanga ya Zuckerberg Mark yashyizwe ku karubanda.