Connect with us

YEGOB|Entertainment News

Bimwe utigeze umenya mu buzima bwa John Cena

Featured

Bimwe utigeze umenya mu buzima bwa John Cena

Cena wavukiye i Massachusetts ni umwe mu bamamaye kubera  umukino wa Wrestling (Kaci). John Cena, yamenyekanye ku rwego rw’isi kubw’ubuhanga bwe mu mukino w’abanyembaraga, umuhanzi w’indirimbo zo mu njyana ya Rap ndetse n’umukinnyi wa filime. Ese ubundi John Cena ni muntu ki?

Amazina ye yose yitwa John Felix Anthony Cena Jr, yavutse ku italiki ya 23 Mata 1977, avukira i West Newbury, muri Leta ya Massachusetts, muri Leta zunze Ubumwe za Amerika. Ise yitwa John Cena Jr, nyina akaba Carol. John Cena ni umwana wa kabiri mu bana batanu nkuko bitangazwa n’urubuga rwa Wikipedia.

John Cena akiri umwana muto
Mu buzima busanzwe John Cena, yashakanye na Elisabeth Huberdeau mu mwaka wa 2009, babyarana umwana umwe w’umuhungu witwa gusa baza gutandukana mu kwezi kwa Gicurasi 2012.

John Cena mu bwana bwe yakundaga cyane kureba imikino ya Kaci (Wrestling), ikunzwe cyane muri Leta zunze ubumwe za Amerika no mu bindi bihugu byateye imbere.

Cena yaje gutangira gukina kaci mu 1999 mu ishyirahamwe ryitwa Ultimate Pro Wrestling (UPW), nyuma aza gusinya amasezerano mu rindi ryitwa World Wrestling Federation (WWF) ryaje guhinduka WWE) muri 2001.

Mu gihe yari afite imyaka 15 gusa, Cena yatangiye kujya akora imyitozo ngororamubiri kugira ngo agire ibigango. Nyuma yaje kujya kwigira amashuri ye yisumbuye mu ishuri rya Springfield College, yiga ibijyanye n’ibinyabuzima (Biology), cyane cyane yibanda ku masomo avuga ku myubakirwe y’umubiri w’umuntu kuko muri icyo gihe yari umukinnyi ukomeye w’umupira w’amaguru ku kigo yigagaho.

Mu 2000, Cena na se baje kwimukira muri Leta ya California gushakirayo ubuzima. Cena yaje gutangira akazi ko kuba umutoza w’abaterura ibyuma nk’ibintu yakundaga cyane.
MUri ako kazi yaje kugira amahirwe yo guhura n’umwe mu bakinnyi ba Kaci, maze amusaba ko yatangira kumutoza uko bakina Kaci. Nyuma yaje kumugeza mu kigo cya Ultimate Pro Wrestling(UPW), maze Cena atangira kwitoza neza gukina umukino wa Kaci.

Cena amaze kugira icyo amenya yaje kubwira ise John, ko yifuza nawe gukina Wrestling, gusa icyo gitekerezo ise ntiyacyakira. Byaje gutuma Cena acika intege ariko akomeza kujya areba uwo mukino kuri Televiziyo.
Ntibyatinze Cena yaje kwiyemeza atangira kujya ajya gukina Kaci ahantu haciriritse, gusa kubera ubushake n’imbaraga yakinanaga byaje gutuma atangira kumeneyekana.

Mu mwaka wa 2001, John Cena yaje kumenywa n’abayobozi ba WWE, maze baza kumuhamagara bahita bamusinyisha kontaro mu cyitwa OVW( Ohio Valley Wrestling), aho nyuma y’imaka ibiri gusa yaje Kwinjira neza muri WWE, maze mu mwaka wa 2004, Cena aza kuba umukinnyi wambere muri Leta zunze Ubumwe za Amerika, mu mukino yaneshejemo uwitwa Big Show muri Wrestlemania XX.

Mu myaka yakurikiye, Cena yagiye atwara intsinzi nyinshi zitandukanye, atwara imikandara myinshi itandukanye, ibi bimugira umukinnyi w’igihangange ku isi mu mukino wa Kaci( Wrestling).

Amaze kuba icyamamare, Cena mu mwaka wa 2004 yaje gukina muri filime yitwa ” Marine” ndetse yongera gukina mu yitwa 12 Rounds mu mwaka wa 2006. Ibi bituma arushaho gukundwa bikomeye.

Cena kandi mu bintu yakundaga harimo kuririmba mu njyana ya Rap, akaba afite Album yise “You can’t see me”, yaje no kugurwa bikomeye muri 2005 ndetse iza kuba iya 15 ku rutonde rwa Billboard.

Continue Reading
Advertisement
You may also like...
Click to comment

Leave a Reply

Your email address will not be published. Required fields are marked *

More in Featured

Izo twabahitiye mo

Advertisement

Top 5

indirimbo

Kankora ahantu by Passy

By May 21, 2019

indirimbo

Urakwiriye by Official Yvette

By May 19, 2019

indirimbo

Zirayumvira by Zawadi

By May 19, 2019

indirimbo

Twifunze by Sintex

By May 18, 2019

Facebook

To Top