Connect with us

Amateka

ANABASIS THE TEN THOUSANDS MARCH IGICE CYA GATATU

Published

on

Advertisements

Kwishora mu ntambara haba hari inyungu utezemo, hari ababa barwanira uburenganzira bwabo baba barambuwe ariko hakabaho n abandi bashinga intambara bitewe n inyungu zabo bwite. Mu mateka y isi hari abarwana n barwanira umutegetsi wabo abandi bagashinga inkambi nini z ingabo bagamije inyungu z amafaranga bitewe n ubunararibonye mu ntambara, aha ni urugendo rw abagereki 10 000 b abacancuro bari bisanze mu butaka bugari bw abanzi babo abatware babo bishwe ari nabyo byahaye imbaraga zo kwihitiramo ababasimbura bagakomeza urugendo rwabasubizaga iwabo. Iyi ni Anabasis the ten thousands march igice cya gatatu niba utarasoma ibice bibibanziriza nagusaba kubanza kubisoma kugira ngo ubashe kubyumva neza. Sura iyi link kugira ngo ngo ubone igice cya kabiri https://yegob.rw/anabasis-the-ten-thousands-march-igice-cya-kabiri/

Igikomangoma Cyrus yahagurutse i Sardis yerekeza rwagati muri Mezopotamiya aherekejwe n abacancuro b abahoplites 10 700, 2 500 by abagereki b abapeltasts b abacancuro, 2 600 barwanira ku mafarashi, n abarwanyi b abaperesi basaga 20 000. Ubu nibwo Umwami Artaxerxes II yabonye ko igikomangoma Cyrus cyari gitangije intambara ya gisivire mu bwami ashaka kumukura ku ngoma, niko guhita ahagurutsa ingabo zisaga ibihumbi mirongo ine (40 000) ziyobowe n abagaba b ingabo be bane aribo Satrap Tissaphernes wategekaga Sardes aza kugirwa commander in chief w Aziya ntoya yose akuriye ingabo zose z Aegean, uwa kabiri yari Satrap Gobryas wa Babuloni, Undi yari Satrap Abrocomas wa Trans-Euphrates (ni muri Siriya y ubu), uwa kane akaba Satrap Arbaces w Ubumedi aha buri wese yashobora kugira ingabo zitari munsi y ibihumbi 10. Nuko igikomangoma Cyrus kigira generari Clearchus umugaba w ingabo z abagereki b abacancuro mu gihe Ariaeus ayoboye infantry y abaperesi naho igikomangoma cyiyoborera abarwanira ku mafarashi mwenyewe. Uru rugamba rwiswe urugamba rwa Canaxa. Canaxa ni akajyi gato kari ku nkombe z umugezi munini wa Euphrates miles 50 mu majyaruguru ya Babuloni (ni muri Bagdad y ubu).

Ku itariki 3 Nzeri muri 401 BC nibwo urugamba rwambikanye, igikomangoma Cyrus yifuzaga ko intambara yihuta, intambara yari iteye uku, nkuko imirwanire y abaperesi yarimeze, umwami yabaga ari mu gice cyo hagati mu ngabo nibwo igikomangoma Cyrus yishyize hagati ayoboye abarwanira ku mafarashi kugira ngo aze guta muri yombi cyangwa kwiyicira umuvandimwe we Artaxerxes II, niko gushyira abagereki b abacancuro mu ruhembe rw I buryo naho ingabo ze zindi ziyobowe zijya mu ruhembe rw I bumoso. Abagereki bari bafite amabwiriza yo kurwana batsinda igice cyo bari bahanganye bagahita bahindukira bagatera mu rubavu rw Ingabo z umwami intambara ikihuta. Niko byagenze ku ruhande rwari ruhanganye n abagereki rwari ruyoboye na Satrap Tissaphernes zikibona imirongo y abagereki n ibyuma bibakingira mu gatuza no ku mutwe n amaguru muri Phalanx formation y urugamba bahiye ubwoba barahunga. Ikosa abagereki bakoze barabakurikiye mu gihe cy isaha imwe yose mu gihe bagombaga gukora nkuko bari bapanze urugamba. Aha nta kabuza bari batsinzwe, igikomangoma Cyrus cyashatse kwihutisha intambara ngo irangire vuba niko kwishora mu ngabo zarindaga umwami we n amafarashi ye niko kwica umukuru w abarindaga umwami ndetse anakomeretsa umwami nyamara nawe ntiyarenze aho kuko yishwe n uwitwaga Mithridates nuko igikomangoma Cyrus agwa aho ibye birangirira aho.

Abagereki bagarutse bishimira intsinzi niko kuza baje gutabara ikindi gice cy ingabo basanga intambara yarangiye kare bageze mu nkambi yabo basanga yasahuwe ndetse n ibyo kurya byari kubatunga byasahuwe, mu gitondo cya kare niko kumenya ko boss wabo igikomangoma Cyrus cyishwe ko intsinzi yabo yapfuye ubusa. Aha byababereye ihurizo, bari mu gihugu cy abanzi muri miles zirenga hafi 1 700 nta nshuti bafitemo uretse abanzi gusa, nibwo umwami Artaxerxes II yababwiraga ko bakomeza cyangwa bagahagarika intambara, gusa we ntiyarashishikajwe no gukurikirana abagereki kuko yari amaze guhosha imvururu ndetse ahugiye mu kwivuza ibikomere yari yatewe n intambara. Abagereki ntibari kwemera kumanika amaboko, ibi byari bisobanuye kwemera kwicwa, kugirwa abacakara n ibindi n ibindi udasize n igisebo gihambaye bari kuba bishyizeho. Nibwo abatware b abagereki b abacancuro bahisemo gukora retreat imwe ihambaye mu mateka y isi batangira icyo bise ANABASIS cyangwa se urugendo rwerekeza mu majyaruguru y igihugu cy ubuperesi berekeza ku Nyanja yirabura cyangwa The Black Sea, urugendo rutaboroheye kurusha intambara bari barwanye kuko mu ntambara ya Canaxa hari hakomeretse umurwanyi 1 nawe kandi bidakabije ariko aha, aha bari bagiye kuhatikirira bimwe bikomeye.

Mu ruhererekane rw inkuru y aba bagereki ibihumbi icumi, naha ducumbikiye igice cyacyo cya gatatu aho nyuma tuzakomezanya igice cya kane.

N akagaruka

Mugire amahoro y Imana n abane namwe!!!!

Advertisements
Advertisements

"Until the lions have their own historians, the history of the hunt will always glorify the hunter." ~African proverb A Universe and history lover

Continue Reading
Advertisement [speaker]
Comments

Hit Music Only!

Advertisement
Advertisement
Advertisement

Copyright © 2020 YEGOB

Advertisements
%d bloggers like this:
Ntucikwe    Ok No thanks