Yolo The Queen, umwe mu banyarwandakazi bamaze kumenyerwa cyane hano mu Rwanda yasubije umwe mu bafana be washatse kumuha amafaranga agera kuri $200 kugirango baryamane. Ni nyuma yuko Yolo The Queen amaze kwandika kuri story ya instagram ye abwira abamukurikirana ndetse n’abafana be muri rusange kumubaza ibibazo byose bashaka.

Nkuko byagaragaye, umufana wa Yolo The Queen yamubajije agira ati:« $200 if agreed inbox » maze Yolo The Queen amusubiza agira ati:« Give that to vagrants » bigaragaza ko $200 ari make ko atayemera. 

Producer Clement Ishimwe, umutware wa Butera Knowless yashyize hanze ifoto ye ari kumwe n’umukobwa we. Iyi ni ifoto yacicikanye cyane ku mbuga nkoranyambaga kuva yashyirwa hanze muri story ya instagram ya Clement. Nkuko byagiye bitangazwa na benshi mu babonye iyi foto bakomeje kugaruka cyane ku kwibanda ku kanyamuneza kagaragara ku maso y’aba bombi. Iyi foto yashyizwe hanze na Producer Clement igaragaza aba bombi bari muri piscine barimo koga.

Ni kenshi abafana ba Butera Knowless na Clement ndetse n’abakurikiranira hafi showbizz nyarwanda bakomeje kugenda bavuga ko ari Clement ndetse na Knowless badakunze gushyira hanze ifoto y’umukobwa wabo gusa kuri iyi nshuro, umukobwa wabo uzwi ku izina rya Ishimwe Butera Or yagaragaye ari kumwe na Se.

Producer Clement na Butera Knowless

kuva imikino yahagarikwa hano mu Rwanda mu kwezi kwa gatatu hashize amezi asaga atandatu hakomeje kugaragara ibibazo bitandukanye mu mpande zitandukanye z’imikino gusa byumwihariko ikipe ya Rayon Sports .

ku ikipe isanzwe izwiho kugira abafana benshi cyane kurusha izindi zose mu gihugu ntago kigeze kaba akazi koroshye nagato kubayobozi bayo bitewe n’impamvu nyinshi zitandukanye ndetse bikaba byaranageze n’aho abakunzi b’iyi kipe bicikamo ibice aho usanga bamwe baba basaba umuyobozi wayo bwana SADATE MUNYAKAZI ko yakwegura kubera kunanirwa kuyiyobora n’ubwo hatabura n’abandi bagishyikiye uyu muyobozi ndetse bemeza ko akomeza kwerekana ko iyi kipe azayiganisha aheza mu minsi iri imbere.

Umufasha wa SADATE asanzwe nawe akunda Rayon Sports

uyu muyobozi rero yaje gutangaza ibanga rimufasha guhanga n’ibyo ibazo byose ndetse agakomeza kubahiriza inshingano ze n’ubwo ari muhe aba atorohewe,

ibi yabivuze agira Ati ” Impamvu ni ebyiri zatumye duharanira ko ibintu bya Rayon Sports bijya ku murongo ndetse tukanagira resistance (gukomeza umutsi/guhatana) ku bibazo byinshi twahuriyemo, rimwe na rimwe bitari kwihanganirwa na buri wese, ni impamvu ebyiri….”

…impamvu ya mbere ni uko Rayon Sports tuyikunda. Burya iyo ukunda ikintu uba ushaka ko kijya ku murongo niyo wowe byagusaba ibirenze ibyo ngibyo.”

Yunzemo ati ” Impamvu ya kabiri, ni uko twabonaga ko umurongo turimo gutanga muri Rayon Sports ari umurongo wari ukenewe kandi wari ngombwa y’uko ubaho bityo rero uwo murongo dufata nk’umurongo w’ukuri, tukavuga ngo iyi mpamvu irahagije kugira ngo itume dukora ‘resistance’ kugira ngo ibyo duharanira mu nyungu rusange bizabeho.”

Yakomeje avuga ko kwanga kwegura nkuko yakunze kubisabwa na bamwe ngo atari inyungu y’amafaranga cyangwa indi iyo ariyo yose.

Ati ” Ntabwo rero ari ukubera inyungu y’amafaranga , ntabwo ari ukubera inyungu y’icyubahiro, ntabwo ari inyungu yo kuba umuntu w’icyamamare , ntabwo ari ikindi kibitera ahubwo ni ukubera ko dukunda Rayon Sports.”

Sadate Na Madam

Abajijwe niba yarigeze atekereza kwegura nkuko yakunze kubisabwa, Sadate yavuze ko kuri we yishimira ko mu Rwanda, umuntu ateguzwa n’amahane ahubwo ngo ibintu byose bikurikiza amategeko.

Ati ” Icya mbere , buriya hari ikintu abantu batarasobanukirwa, muri iki gihugu, ntabwo umuntu yeguzwa n’uko abantu babicishije mu nzira yo gutera amahane, gutera induru no kubicisha mu nzira biri gucamo. …Mperuka kumva nyakubahwa Minister abivuga neza ati mu gukemura ikibazo cya Rayon Sports tuzakurikiza amategeko , tuzakurikiza ubunyamwuga ndetse n’ubunyangamugayo . Ni amagambo atatu aremereye kandi y’ukuri.”

Yunzemo ati ” Ibyo bitatu ninabyo twebwe duharanira ….amategeko rero agomba kubaho , akareba uburyo ki Perezida abazwa ibyo akora, uko yuzuza inshingano ze n’uko abazwa ibyo atujuje nuko ashobora kuba yakurwa kuri uwo mwanya.”

” Ntabwo ari uko umuntu yagenda ngo agurire abantu runaka birirwe batuka undi, abandi abangishe abanda…

Kubyo kuba yaba yarigeze gutekereza kubyo kwegura, Sadate yagize ati “ Mu mugambo make ntabwo nabitekereje (ibyo kwegura) kuko nari kuba ntereranye impamvu yanjye (cause) kandi ntereranye n’ababonaga ibintu kimwe nanjye cyane ko ari na benshi.”

Ashimira umuryango we

” Burya hari igihe muvuga imivugo y’abantuka ariko mukirengagiza ko hari n’imivugo y’abanshima. Icyo kintu abantu baba bagomba kukimenya.”

Perezida wa Rayon Sports, Bwana Munyakazi Sadate yashimiye kandi umugore we ndetse n’abana be bakomeje kumuba hafi mu bihe bikomeye yakomeje kunyuramo muri ibi bihe amaze ayobora iyi kipe.

Muri iki cyumweru turimo kugana ku musozo, abastar nyarwanda basangije abakunzk babo ndetse n’abafana babo muri rusange amafoto atandukanye babicishije ku mbuga nkoranyambaga bakoresha. Hano twabakusanyirije amwe mu mafoto y’abastar nyarwanda yabiciye bigacika kuri instagram muri iki cyumweru.

1. SACHA KATE

2. SHADDY BOO

3. MISS UMUKUNDWA CADETTE

4. KATE BASHABE

5. MISS UWASE MUYANGO CLAUDINE

6. MISS KEZA JOANNAH

Miss Uwase Hirwa Honorine wamenyekanye ku mazina ya ‘Igisabo’ ni umwe mu bakobwa bakunze kuvugisha abasore/abagabo benshi kubera imiterere ye. Mu minsi ishize ubwo uyu munyarwandakazi yashyiraga hanze amafoto ye abinyujije ku rukuta rwe rwa instagram, hagaragaye benshi bagiye bayavugaho ibintu byinshi bitandukanye.

Miss Igisabo yashyize hanze amafoto akurikira:

Nkuko bamwe bagiye babitangaza, ibitekerezo byabo byagiye bigaruka ku gutangarira ubwiza ndetse n’imiterere y’uyu Nyampinga watwaye ikamba rya Nyampinga wakunzwe kurusha abandi mu mwaka wa 2017 (Miss Popularity 2017). Hano twabegeranyirije bimwe mu byavuzwe n’abafana ba Miss Igisabo.