Akumiro: Umukinnyi ukomeye w’ikipe ya Fc Barcelona yakoze igikorwa kigayitse

Mu gihe imikino yo kumugabane w’iburayi yasojwe, abakinnyi batandukanye bahamagawe mu makipe yabo y’ibihugu mu rwego rwo gukina imikino imwe n’imwe ya gicuti, ndetse bamwe bakazanakina imikino ya Confederation, gusa umwe mu bakinnyi bakomeye w’ikipe ya Fc Barcelona yakoze igikorwa kigayitse cyane gishobora no kuzamuviramo ibihano bidasanzwe.

Umunya Turukiya Arda Turan nyuma yo gukina umukino wa gicuti n’ikipe ya FYR Macedonia bakanganye ubusa kubusa, ubwo umunyamakuru yamubazaga uko umukino wamugendekeye ndetse akanamuhata ibibazo bitandukanye ku kazoza ke mu ikipe ya Fc Barcelona, uyu musore w’imyaka 30 kwihangana byamunaniye ahita akubita uwo munyamakuru urushyi anamufata mu ijosi aramuniga amusiga hasi aho ngaho yigira mu rwambaro abantu bose bari bahahagaze barumirwa. Gusa uyu musore kurubu akaba yanze kugira icyo atangaza kuri icyo gikorwa cy’ubunyamaswa yakoze, ndetse n’akanama gashinzwe imyitwarire mu ishyirahamwe ry’umupira w’amaguru mu gihugu  cy’iwabo kakaba ntacyo karatangaza. Gusa imyitwarire nkiyi mu busanzwe irahanirwa bikomeye. Tukaba dutegereje kureba ibihano uyu musore azahabwa.